مرحبا بالحلوووين
في حد منكم شعره مموج وكيرلي ؟
وأكيد في .. إن كان عندكم خبرة أو معرفة
كيف نخلي شعرنا ما يووقف (مثل وايرات الإستشعار عن بعد) بالرطوبة
تخبرني .. لأني تعبت منه بصراحة !!
لأنه بإختصار يتحول لشي ماصار بالدنيا خخخخخخخخ
:ss:
يتموج يتمووج لين تحسونه شعر أولاد قصير ..
وأنا شعري لوسط ظهري
مشكلة إني ما أبغي أسوي فرد لأني أخاف عليه لايطيح
ومستحيل أسوي ..
لو عندكم طريقة طبيعية ياليت تنصحوني
(y)
(f)
تعبت من أخواني يغنون لي دايماً ياشمس لاتغيبي :confused:
والله يختي شقووولج انا شعري كيرلي لاكن تموجاته ابد مو متناسقة يعني مو من النوع الي شعره كيرلي مموج متناسق وحلووو وبعد لا يفوووتج منفوووش ومنكوووش وفريزي واذا على الشمس انا بعد شمس
عموووما انا شعري خفيف مو كثيف بس ممكن افيدج بكم شغلة اذا تناسبج بس لوو قلتي انتي منوين كان افضل.
عندج كريمات الشعر:
1- دابر فاتيكا باللوز والحناء والالوفيرا.
2- كريم هيمالايا بالبروتين.
عندج زيوووت الشعر:
1- زيت النخاع – اللوز – الخروع – الثوووم – الحبة السوودا – براشووت بجوز الهند مال الاكل
اخذي الزيوووت من وادي النحل
2- زيت الافوكادو من معاصر الاحلام
عندج حمام زيت او ماسكات:
1- صانسيلك لتساقط الشعر
2- دابر فاتيكا اما ترطيب عميق اما تغذية مكثفة
لازم تستخدمين ليف ان كونديشينر بس لا تحطينه على الجذور هاي البلسم الي يترك في الشعر بعد السباحة وبعدين يوميا تحطين كريم وفيه تقدرين تحطين كم قطرة زيت براشووت الي ذكرته فووق
عندج بعد امبووولات الشعر ماركة فيتان او ايفا بالصبار
عندج الشامبو استخدمي نووع مخصص للترطيب او لتحديد التموجات او لزيادة الفوليووم الحجم اذا شعرج كيرلي خفيف
فيه ماركات متخصصة وبروفشنال بس غالية مثل لوكستيان وفريدريك فيكي و كريستاس
وفيه بعد لوريال بروفشنال
لازم تسوين ماسك اسبوعي مرة في الاسبوع وبعد تستخدمين الزيوووت كل 3 ايام وسخني الزيت بعد !!
اعجفي الشعر لما تحطين الزيت وحطيه 7 ساعات بعدين غسلي شعرج
حطي بلسم عقب كل مرة تغسلين شعرج
عندج الماركات:
1- مس مارينو
2- لوريال بالاعشاب الاخضر
لا تحطين سيروم اذا انتي ما تستخدمين ادوات تصفيف حرارية لانه مو زين !!
بعد شنو ؟؟؟ خليني افكر شوية خخخخخ
اي صح مثلا اذا تبين تحطين ماسك حطي معاه ملعقة شاي عسل
والله يختي هذي نصايحي لج واذا عندج استفسار انا حاضرة لان مشكلتج اهيا مشكلتي بعد واحاول اقرى بالنت واتعلم
وعلى قولتج انا ما ابي اعتمد على السشوار والمكواة لانه اوردي شعري متقصف من تحت ومو ناقص
بس ما ادري اذا انخطبت شوو اسوي !!
الفرد مو زين على الشعر وبدل مايعدله يخربه….
واذا انتي تبين ترتاحين من الغثاء هذا كله….الزمن تطور يا حبيبتي وريحي عمرك وسوي كيراتين
والكيراتين مثل الفرد بس ماهو فرد…هو علاج للشعر ومافي منه اي مضره
صحيح ان الكيراتين غالي شوي ويختلف من منطقه لمنطقه…بس مريح يعني خلاص يصير شعرك مويه حرير ولا يتلفلف ولا شي….حتى بالرطوبه وحتى بعد السبوح يصير مثل ماهو
وماهو مثل الفرد الي يخلي الشعر واقف وناشف ولافيه اي حيويه بالعكس الكيراتين حل نص الامور
واذا حابه تسالي اكثر…انا في الخدمه
سويت كل شي ماخليت شي بصرااااااااحة
لكن مايفيد مع الرطوبة يرجع زي مايكون
كأني ما رتبت شعري من دهوور !!!!!!
بس في ماركة فريدريك فيكي وكريستاس مجموعات لتحديد تموجات الشعر الكيرلي شووفيها يمكن تفيدك
1-الفازلين
2-كريم الابيض القديم (ابو وردة) مررة خلو
3-زيت دابر املا بالياسمين
تحطين واحد منهم وهو رطب وتلفينا شوي بربطة لين ماينشف وبعدين تفكينة وشوفي النتيجة واذا خايفة من الريحة ممكن تحطين مخمرية للشعر او البخور وحطي الربطة وادعيلي …انتظر النتيجة
مشكوورين خوااتي
وراح أجرب كل شي قلتووه
وإن شاء الله يجيب معي نتيجة
تسلموووووووون
ربي يسعدكم دنيا وآخره ..
مشكوورة أختي ..
يعني لاي انواع الشعر يستخدم وشيسوي بالضبط
يعني معلومات عنه ابي اعرف عنه