شكرا للجميع انا دخلت المنتدى وماعندي فكرة عن اي شي لتجهيز عرسي ، وساعدتوني في كل شي صالونات مكياج وكللللللل شي …. وكان باجي على زواجي شهر واسبوعين
بس للأسف كل شي طااااااااااااااااار
أمي بعيد عنكم أنصابت بالسرطان …. وانتهى كل شي ماعاد لي خلق على الزواج ، انتهى أملي وكل شي تحطم
أمي مستحيل تزفني …. وانا بدونها ما بسوي زواج
مادري ليش كتبت لكم …بس استحملوني …. مع السلامة خلاص مابصير عروسة … واتمنى لو صار لأمي شي ألحقها في اقرب وقت
أدعوا لها (u)
وانشاء الله تزفج امج وتزف عيالج
:shy:
عزيزتي no time
((عسى أن تكرهوا شيئاً وهو خير لكم ….))
الله يقوّم أمك بالسلامة يارب ……
وتفرح فيك إن شاء الله
فلمَ اليأس والله أعطانا الأمل فيه
والسرطان يا أختي له علاج
وانشاء الله تتزوجين وتزفج امك
ادعي ربج ان يشفيها والله على كل شئ قدير
 |
اقتباس |  |
 |
| كاتب الرسالة الأصلية : أنتَ عمري عزيزتي no time ((عسى أن تكرهوا شيئاً وهو خير لكم ….)) الله يقوّم أمك بالسلامة يارب …… وتفرح فيك إن شاء الله فلمَ اليأس والله أعطانا الأمل فيه |
||
 |
 |
بسم الله الرحمن الرحيم
السلام عليكم ورحمة الله وبركاته
ربي يشفيها ويعافيها لك
وان شاء الله تفرح فيك يالغالية
ادعي لها بصلاتك وتحري اوقات الاجابه
اللهم ياسامع الدعاء اشفها وعافها
والبسها لباس الصحة والعافية
اختك في الله
بنت المملكة
شكرا لكم
لكن الوقت قد فات … تم اكتشاف المرض بعد ان دمر الكثييييييييييييييييييييييييييييييييييييييير … وليست في مرحلة علاج أبدا ….
لن تزفني
الله يشفي امك وتزفك ان شاء الله
وكثير من الحريم جاهم مرض السرطان وتشافوا
لاتياسي
وتوكلي على الله
اختي الفاضلة ..
أمج تمر احين باصعب مرحلة يمكن مرت بحياتها …
لكن لا تنسين .. ترى الأم مهما كان مصابها تنسى همومها ومحاتها وتطالع عيالها وهمها فرحتهم ..
بعد الاستعدادت تبين تنهين كل شي؟؟!!! معقوللللة اختي ..
والله ما يصير تهدمين فرحة امج فيج .. هاي بدال ما تبين لها السعادة تزيدين هم إلى همها .. الله يسامحج بس ….
اختي العزيزة توكلي على الله وهو حسبك وتزوجي .. لا يدري المرء ما المكتوب له … عسى الله ان يطيل في عمر امك ويحفظها لك ذخر لترى أبنائك وأبناء أبنائك ..
لا تحاولي تحطيم فرحتها رجاء بل اسعديها … بأن تتزوجي ..
والله الموفق إن شاء الله
في أمان الله
🙂
الله يشفي لك امك ويسعدك انتي وياها
بس لازم ترفعين من معنوياتها
كملي تجهيزات فرحك
انا ام ..صحيح عيالي لسه مادخلوا مدارس
بس لما اشوفهم راضين كأني ملكت الدنيا
ولما ينمنعون عن شي بسببي ..زي مثلاً يبون يخرجون وانا ما أبي ..فيقول ابوهم مابتروحين معانا يعني مافي خرجه ..فأضغط علي نفسي عشان مايتكدرون ..وإذا ماخرجت اقعد اأنب بنفسي واندم واحزن كله لأنهم ماطلعوا بسببي
وهذا زواج ومستقبل
وهذا شعور امك الحين
امنيتها تشوفك عروسه بالفستان الأبيض
لا تحرمينها هالأمنيه
خليها ماتحس إنها السبب في تركك اللزواج ..وتحطيم سعادتك
إذا تحبينها تممي الأمور وخليها تمشي عادي
وهذا كله تخفيف من الذنوب ورفع الدرجات إن شاء الله
الله يخفف عنها ويصبر قلوبكم ويشفيها شفاء لا سقم بعده
اسأل الله العظيم ان يجعله مطهر شافع نافع لها ولكم بإذن الله الواحد الأحد