اليوم يازعم سويت خلطه وصممت اني احط فيها ثوم وتحديت عمري اني بطلع الريحه من شعري لو شو ماصار
بعد ماحطيت الخلطه العاديه من زيت اللوز والسمسم وجوز الهند والزيتون حطيت وياها ثوم :pain:
والله بخرت شعري وعطرته وحطيت فيه عود ( مو اي عود عود جاني هديه من الامارات التوله 5000 درهم ) تدرون شنو يعني 5000 درهم يعني عود قوي ولازم يعطي نتيجه وريحه حلوه بس مافاد وياي وقبل كل هذا طبعا غسلت شعري زين زين زين
والريحه لسه احسها في شعري 😥 تكفون والله كارهه نفسي وندمانه ليش حطيت ثوم
كنت استغرب من الي تجول تحط ثوم في شعرها وعمري ماتخيلت نفسي بحطه في شعري في يوم بس من كثر مامدحوه لي صممت اليوم احط وكاهي النتيجه 😥
جولولي شلون اطلع الريحه من شعري تكفووووووووون 😥
تراني بروح احلقه الحين :mad2:
ثوم بالله عليكم اكو حد يحط ثوم في شعره
صج اني ؟؟؟؟؟؟؟؟؟
وعلى فكره حطيت خمس فصوص ثوم مره وحده في الخلطه :pain: اظن اني مسختها في كميه الفصوص
الله يفصفصج ياثومايه 😥
هلا أختي .. الفارسيه
هههههههههههههههههههههههههه ياقلبي عليكي
زودتيها بقووووه الله يهديكي .. كميه كبيره من الثوم
هو صح له فوائد حلوه للشعر .. لكن الزياده تحرق بصيلات الشعر
لأنه حار عليها .. المهم الحين الريحه ..
يعني بتاخذيها على مهل وتحاولي تتحممي أكثر وبشامبوا معطر
وتبخري شعرك .. ولا تطلعي من البيت هاليومين لحد ماتخف الريحه
الله معك حبيبتي .. ودائما خوذيها نصيحه من أختك
إذا الشي اول مره تجربيه لا تكثري منه .. عشان ماتنعكس النائج سلبيا
تحياااااااتي .. أختك .. ذكــــــــرى
حبيبتي كان عندي طلعه مع البنات باجر
والله كنسلتها بسبه ريحه الشعر
ادري زودتها في فصوص الثوم
خلاص تووووووووووبه مااحط ثوم
والخلطه باقي منها بعد اتصلت في رفيجتي الا نصحتني بالثوم وجلت لها تعالي خذي الخلطه لا ايج انا واكرخج تكريخه :mad2:
بس تبون الصراحه :eek2: والله الشاهد انه شعري صار يجنن
صاير كانه مستشور سييييييييييده ( شعري ناعم حيل من الاول ) بس احسه بالثوم سوا بلاوي
يعني الجدله طالعه كانها توها مقصوصه ومستشوره وقصه الشعر طالعه مرررررره واضحه وفيه لمعه
معقوووووووووووله يكون من الثوم :pain:
بس ماني حاطه ثوم من ثاني
😡
والله الثوم ريحته شينه مررررره
وزي ما قالت ذكرى
له فائده لكن الزياده تحرق بصيلات الشعر
تقبلي تحياتي :
الحمدلله والصلاة والسلام على رسول الله وعلى آله وصحبه أجمعين
عزيزتى الفارسه حبيت اشارك بالموضوع وافيدج من تجربتى الخاصه لانى تعرضت لنفس هل الموقف والريحه راحة لما حطيت الخل اكيد تعرفينه خل التفاح لما تغسلين شعرك عدل بالشامبو حطى خل التفاح بللى شعرك عدل من الجذور لين برع وخليه 10 دقايق او ربع ساعه … وراح تلاحظين الفرق ….
تحياتى لج أختك QTR2004
الله يهديج حد يحط خمس فصوص 
2
المهم بعد ماتسبحين خلي شعرك مفتوح
عشان تطلع الريحة لالالالا تلفينة مول وبعد
مايجف دخني شعرك وعطرية بعطر عربي
مركز ولفية عشان ريحة العطر تتخمر في
شعرك وأأأفضل أنك تحطين دهن عود في
شعرك وأنشاءالله بتروح الريحة
اشوا اني سويت خلطه كميتها كبيره شويه والباقي خليته بالثلاجه
يعني ماكانت الخمس فصوص براسي في هاليوم :pain:
QTR4002 حبيبتي عندي خل ابيض عادي ينفع
تكفين ردي علي الحين بروح احطه على طول ولج مني احلى دعوه
من الحين ادعي لج يااااااااااارب ينولج الي في بالج ويسعدج دنيا واخره
شعري غسلته من 3 ساعات ينفع احط الخل الحين
هلا أختي .. الفارسيه … يمكن إقتراح اختي قطر2004 يفيد
لكـــــــــن لا تكثري خل تفاح على شعرك … وهذا من تجربه
بنت أختي كانت تعاني من القشره ونصحوها بخل التفاح
ومثلك حبيبتي كثرت على بالها تبي نتائج سريعه ..
لكنه سبب لها تساقط للشعر بغزاره .. لأن خل التفاح قوي
ويحرق بصيلات الشعر كمان .. فلا تكثري منه حاولي تخففيه بمويه
وإن شاء الله تختفي الريحه بسرعه :shy:
تحياااااااتي .. أختك .. ذكــــــــرى
 |
اقتباس |  |
 |
| كاتب الرسالة الأصلية : طيووف سلاااااااااااااااام الله يهديج حد يحط خمس فصوص المهم بعد ماتسبحين خلي شعرك مفتوح عشان تطلع الريحة لالالالا تلفينة مول وبعد مايجف دخني شعرك وعطرية بعطر عربي مركز ولفية عشان ريحة العطر تتخمر في شعرك وأأأفضل أنك تحطين دهن عود في شعرك وأنشاءالله بتروح الريحة |
||
 |
 |
انا بخرته وهو مبلل وعودته وعطرته وهببت فيه كل هباب العالم :confused:
بس اول ماقريت انج تجولين فليه طلعت المشباص على طول
والله ماادري شلون بنام اليوم
على العموم تسلمين على الرد ماقصرتي يالطيبه