بنات شو شعوركم اذا أزواجكم نسوا عيد ميلادكم او عيد زواجكم؟؟:think:
كيف تتصرفون او كيف تذكرونه انه الموعد جاي بدون ما تكونين ملقوفه ويحس انك تبين هديه طبعا, الرياييل تفكيرهم غير عنا نحنا من باب الحب والتغيير نسويلهم اللي ما يتسوا وهم يتعذرون انه عندهم شغل.
لما كان عيد ميلاده ما قصرت معاه وهو تخيلوا نسى عيد ميلادي وجا متأخر البيت وانا تيلفوني ما وقف من التهاني وهو ولا على باله:cry::mad2: انا ما زعلت عشان الهدية, الحق ينقال هو ما يقصر معاي كل شي موفرلي اياه بس كان ودي انه يكون اول شخص يهنيني في هالمناسبه.
الحين قررت انه ما احتفل بعيد ميلاده خلاااااااااااااااص بس بحتفل بعيد زواجنا لانه بتكون اول سنه لنا مع بعض.
هاااااااه لا تنسون تشاركوني في هالشي عشان استفيد منكم المره اليايه……………..
عزيزتي يمكن الريال نسى والمفروض بدورج بعد تذكرينه وتقولين له جم كلمة حلوة وتدلعين عليه وتسألينه وين هديتي في هذه الحالة بتخلينه في موقف حرج وراح يتذكر كل مرة…
والله يوفقج عزيزتي
صج صج موقف يحر الواحد بس صدقيني الريال مخه لاهي أكثر من المره وعنده أكثر من الف شي يفكر فيه
اذا نسى عيد ميلادج مو معناه انه مو مهتم فيج
بس المفروض انج تلمحيله انه بعد جم يوم يصادف عيد ميلادج أو عيد زواجكم يعني وكأنج تكلمين نفسج وتبتسمين وطبعا المقصد ( اسمع يا جار ) يعني لازم تييبينها بطريقه ذكيه بحيث مايفهم انج تبين هديه
على فكره اذا طنشتي عيد ميلاده راح تعمين السالفه أكثر بالعكس انتي بهالموقف لازم تييبيله هديه تدرين ليش لانه ساعتها راح يتذكر انه ماذكر ميلادج ولا يابلج هديه وساعتها راح ينحرج ويلوم نفسه ويقول صج ما استحي على ويهي المره يايبتلي هديه ومقدرتني وانا ماسويت اللي سوته لي واهنيه راح يحبج أكثر وأكثر
خلييييج شاااطره وفكري عدل
وبالنسبه لميلادج اللي طاف انا راح أقولج كل عام وانتي بخير ولو انها متأخره
واذا للحين محتره أقولج انشالله تكبرين وتنسين ههههه
أختج ليلى
اتمنى انك تتقبلين كلامي بصدر رحب…اختج//لين وديم
اخذي موبيله و سجلي تاريخ ميلادج بالرزنامة
و لما يحين يوم ميلادج راح تلقين موبايل زوجج يكتبله رساله تذكره بالمناسبة
(( سجلي رسالة قبل يوم ميلادج باسبوع عشان يشتري هدية….. و سجلي وحدة ثانية بنفس اليوم))
اختي maryoom
خلاص بدلع وبشوف شو يصير معاه.
اختي ليلى
مشكوووووووووورة يا بعد عمري وكلامك صحيح وراح اطبقه ان شاء الله.
اختي لين وديم
شكرا على ردك انا طرحت الموضوع للي يريد يرد وكان بامكانك تطنشين موضوعي دام انه ما عجبك ومثل ما يقولون كل واحد ذنبه على جنبه وشكرا على المرور والنصيحة.
اختي ورود الأحلام
تعرفين نحنا عندنا قاعدة انا وزوجي انه كل واحد ما يمس شيئين من اغراض الثاني اللي هم الموبايل والمحفظة, بس تدرين فكرج عجبتي بس اظن اذا سويتها بيخنقني.
بس ما راح اسوي اللي سواه فيني
راح اصير احسن منه
اهم شي ذكرى زواااجكم
واحسن طريقه للتذكير هي انه تسوين كارت ابيض وحلو وتكتبين فيه اسمك وتاريخ ميلادك باللون الوردي واسم زوجك وتاريخ ميلاده باللون الازرق بس بخط كبير شويه , وتلصقي الكارت على باب الثلاجه طول السنه , واكيد مره ومرتين وثلاثه راح يشوف الكارت والتاريخ وان شاء الله يتذكر
واذا سألك ليش حاطه هذا الكارت قولي له مجرد فكره وديكور صغير
فكرتك رهيييييييييييبه
بسويها مع زوجي لانه دايما ينسى او يتناسى
:think: