بحط لكم صور الشمعه الي سويتها بنفسي طبعا الاغراض كانت جاهزة بس انتي تجمعينها ببعض لقيتها في مكتبة كنت قاعده افتر وافتر وطاعت عيني على هالشغلة استانست عليها قلت لازم اسويها لانه انا عشقي الشموووع وبنفس الوقت تكون هديه حلوووة خصوصا لانها من صنع ايدج طبعا انا عطيتها حق زوجي حبيبي:o انا خذيت الي على قواقع لانه زوجي يحب البحر ادري طولت عليكم بس لازم تعرفون القصة كلها 
هذي العلبة
وهذي محتويات العلبة عبارة عن كاسين زجاج وشمع الجل والفتيلة والقواقع والصخر ومعاه بعد طين راح اتشوفون حق شنو
اول شي نحط الطين على ثلاث اطراف علشان نثبت العصا والفتيلة مثل الصورة
بعدين نرتب القواقع والصخور بالطريقة الي تعجبج
بعدين نسوي حمام مائي حق الشمع يعني نحط جدرين فوق بعض والجدر الي تحت نصب فيه ماي والصورة توضح
هذي مراحل ذوبان الشمع
وهذي اول ما صبيتا الشمع واهو حار طبعا
وهذي النتيجة النهائية طبعا بالطبيعة وااايد احلى من جذي بالصورة مو واضح عدل
هذي من زاوية اخرى
وبس اتمنى يعجبكم موضوعي ولا تنسوني من دعائكم وردودكم الحلوووة لانه صج تعبت وانا انزل الصور بس تستاهلون التعب:15:
^^
تسلم ايدك
:8875: شكرا لكم على تواجدكم في موضوعي المتواضع وعلى الردود الحلوووة
روووووووووعهــــ وفكرتك رائعه ومميزه
تسلم ايدك حبيبتي اعذرينا تعبناكي معناااا 😮 بس مووضوووع راقي ومميز
الله يوفقك ويسر امورك ويفرح قلبك بكل خير امين ياااارب
والله يعافيكم