أخواتي بغيتكم تساعدوني :!!:
ولدي الله يحفظة لاحظت أن بطنه ( الخروج ) الله يعزكم يابس كأنه حصى 
أبغي أعطيه شي يلين الخروج مسكييييين مو عرفه اشفيه هالولد؟
تعرفون دووم أكله ساندويش ، دونت ، خبز هالأشياء من المعروف امها تيبس البطن
حاولت أعطيه خضروات أو شوربة أو عصاير بس ماياكل ولايشرب هالأشياء
مب عارفه شاسوي
شنو الطريقة اللي تلين البطن ^o)
ياليت تفيدوني خواتي من تجاربكم
وتسلمووووونF:
وبتلاحظي إنه على طول راح يسويها
اللي أعرفه عصير التفاح وايد يسهل جربي أختي أنا كان ينفع في ولدي .. وحتى الحين قلت في رجعتي من الدوام باشتري حق بنتي… اخذي مال المراعي وايد زين…
بس شنو هذا الهيملايا دواء؟؟ يعني أروح للصيدلاني أقوله شراب الهيمالايا؟
أختي رانيا البحرينية باجرب عصير التفاح
مع أن ولدي مايشرب إلا عصير المانجا كي دي دي
بس باشوف
تصدقين شريت له عصير أناناس بس ماعجبه
تسلمون خواتي ألف شكر
نشوف تجارب الاخوات الباقيات
فيه اطعمة لازم تبعدينها عن طفلك كم يوم حتى تلين بطنه و تكثرين السوائل (عصير برتقال طازج-ماء-حليب محلى بعسل)و يكون معدل شربه في اليوم خمس اكواب
وابتعدي عن البطاطس التفاح الخبز الابيض
و اكله لابد انه يحتوي على
طماطم خس كوسا خبز برو روب(لبن زبادي بدون نكهات كامل الدسم) و شوفان ما بين شوربة خضار و سلطات و شوربة شوفان
اتبعي النظام هذا اسبوع فقط
و اذا اضطريتي خلي هذا النظام الغذائي للبيت لمدة مابين 4 الى 7 ايام
انا مريت بهاالتجربة و الحمد لله نتائجها سريعة و تلاحظينها من ثالث يوم
و ما ابي منك الا الدعاء في ظهر الغيب
عطيه دوا همالايا وايد وايد ززززين