تخيلوا معاي هذا الموقف….
وحده تقول لزوجها: أنا متضايقه وودي اطلع شوي أغير جو…
زوجها يقول لها أنا اليوم باطلع مع رفيجي!
بعدين يطلع برا البيت و المره قعدت تبشي لانها من هني متضايقه و فوق هذا زوجها ماله شغل فيها. شوي ولا هوا راد البيت بيحط شغله في البيت. شافها
تبشي و ماهتم و طلع يمشي مع رفيجه 6 ساعات يتمشى و يستانس و لما رد البيت قام يقول لمرته انه يحبها….
الحين قولولي هذا صج يحبها؟؟:angry:
أنا باعرف شلون الوحده تعرف انه زوجها يحبها لان ممكن يكون زين معاها بس مايحبها من قلب.
انا حاسه اني أنا و زوجي مايحبني نفس قبل….
أول كنت الزوجه و الحبيبه و روحه, الحين صرت مجرد زوجه و مسؤليه!!!و هذا الاحساس قاعد يقطعني من داخل كل يوم
أبي أعرف شلون ارجع زوجي اللي حبيته و كان مجنون فيني…
متغير علي وايد معني ماتغيرت عليه
الرجال شكلهم كلهم هيك والله يا ريت حد يقولي كمان شو هو الحب عندهم
وانا متأكدة انه فوق انت المسكينة وهو السبب ولكن هو ايلي بتضايق وبزعل !!!!
مثل المثل ايلي بقول (( ضربني وبكى …. سبقني واشتكى ))
يا اختي معاكي حق بعصبيتك لانه شيء محير فعلا وفاكرين البنت ممكن الواحد يضحك عليها بكلمة حب واحنا البنات …. آه على البنات …. ما في اعلم مننا بالكلمة الصادقة والحب الحقيقي وفاكرين انه الوحدة لما ترضى بعد الكلام الحلو لانها مضحوك عليها وعقلها صغير ولا بعرفوا لانها بتحب زوجها تسكت وتضحي وترضى على مضض وما تكبر المشاكل مثلهم….
يا اختي زوجك اكيد بحبك ولكن للأسف الرجل ما بعرف يعبر عن المحبة ، ويعامل المرأة مثل ما بعامل اصدقاءه وكأنها رجل وكنها مو انسان ولا يفهم نفسيتها انها تختلف عنه ولا هو مستعد يراعيها …
عمرك سمعتي عن رجل حضر امسية فيها شموع وبخور وبيجاما حلوة وحمام استرخاء مفاجأة لزوجته؟؟؟ أكيد لأ !!!!!!!! الرجال بحبو متعتهم همه وبس، وبصراحة طلعاتهم مع اصدقاءهم احلى واكثر تسلية بالنسبة لهم مهما حاولو يخبو علشان السيارات والجوالات والمباريات والدخان والخرابيط ….. على عكس المرأة ايلي بتكون متعتها مع زوجها اكثر من غيره.
مهما كان الرجل بحب زوجته يصدر منه مواقف مثل هيك..
الله يعينك يااااااارب
يعني اذا مر يوم وزوجج ما قالج كلام حلو يعني ما يحبج ؟
واذا طلع مع ربعه واستانس معناته ما يحبج ؟
في بعض الحريم يبالغون بمفهوم الحب
اذا ضايقها بأي شي حتى لو على شي سخيف اول كلمه تقولها (( ما يحبني ))
تفكير الرجل يختلف عن تفكير المرأه بتعبيرها عن الحب
يقدر مايطلعها ويطلع ويا ربعه بس بكلمه وحده يسكتها
الله يهديهم الرجال والحريم بعد ساعات يكون متعندهم سالفه بس دلع
عزيزتي دايما بداية الزواج احلى شي لان الطرفين يكتسوفن بعض وتالي لمن يعرفون بعض تتحول الى روتين وبعض الاحيان يكون روتين قاتل
انتي لازم تكونين متجدده مش بس كل يوم كل ساعه في تصرفاتج في لبسج في شعرج في ثقافتج يعني انتي مضايقه تبين تطلعين معاه لمجرد الخروج وترويج ولا تبين تطلعين معاه ونتي قاصده انج تجددين الرومانسيه
عزيزتي في فرق بين الاثنين
يعني انتي حسيتي روحج مضايقه وقلتي له ابي اطلع اوكي لكن كيف قلتيها له ابي اطلع مضايقه ولمن قالج بروح حق صاحبي تضايقتي ازيد وبجيتي
في هذي الحاله راح يحس انه ملتزم يعني وظيفته يطلعج ويخليج تستانسين وتالي يردج البيت يعني راح يحس انه فرض و واجب عليه
لكن اذا انتي عزمتيه وقلتي له باسلوب حلو ورقيق وبكل انوثه هل راح يرفض اكيد لا
وانتي قاصده تطلعين معاه على شان تجددين الرومانسيه راح يحس بهذا الشي
لكن بقولج شي وخليه في ذهنج عدل
بداية الزواج اكيد احلى لكن خلي في بالج ان طل مامر وقت على زواجكم اكثر كل مازاد الملل على شان جذيه عدلي من حالج اختي في الاول يعني انتي مضايقه صلي ركعتين واقري قران وادعي الله وبعدين لا تبجين كثير عند زوجك يعني لا تخلينه يشوف دموعج وايد لان الزوج يتملل ويوقل زوجتي نكديه
واذا قال يحبج في فرق بين كلمة حب واحساس الحب اذا قال احبج يمكن يبيج ترضين عليه لكن مايعنيها واذا قالها باحساس راح تحسين فيها اكيد
على شان جذيه مثل ماقلت لج في اول السطور راجعي نفسج وجددي من روحج
والله يوفقج
فممكن الزوج حب يغير شوي من روتين حياته بس مو معناته ان هو ما يحب زوجته لأ
لكن في حالة اذا تغيرت معامله الزوج لزوجتة و صارت طبعا للاسوء ان صار ما يحبها و اهم الشي الدعاء و قراءة البقرة
و دمتم سالمين:shy:
شكد اتمنى الموت على اني اكون بيوم متضايقة ومحد يحس بية 🙁 🙁 🙁 🙁 🙁
هذا شي صعب والله