السلام عليكم ورحمه الله وبركاته
حبيت اسألكم عن رايكم بموضوع الطلاق واذا الرجل فقد سيطرته عقب هوشه وطلق زوجته طلقه اولى شنو يكون رايج اذا ندم بعدها ويبي يرجعج ترديله والا تقعدين ببيت اهلج وجم المده باختصار شنو يكون احساسج ورايج لهالموضوع ؟؟
ابي اسمع رايكم لا تبخلون علي فيه
والله حبيبتي مادري شنو موقفي بس اذا انا غلطانه فعادي بمشي الموضوع لن بكون انا السبب بس اذا هو غلط لا لازم يدفع ثمن غلطته ويجيبلي شريه (ذهب )( طقم ) وارد له بس بعد ما اهداء طبعا
صعبة على المرأة انها ترجع لزوجها بعد الطلاق
خاصة اذا كانت مش غلطانه
و الغلط راكب الزوج لما طلقها
بصراحة انا وحدة مطلقة طلقة وحدة من زوجي
تركني بعد انقضاء المدة
بعدها بسنين حاب يرجع لي بمهر و عقد جديد
بس النفس انكسرت
و اللي انكسر عمره ما يتصلح خاصة في العلاقات
الكل عارضني في رفضي عشان ولدي
بس هذا اقل شي ارجع في كرامتي بعد طلاقي منه
وعليكم السلام ورحمة الله وبركاته
صراحة الموقف صعب الله لا يكتبه على أحد
كون الزوجة استفزت زوجها لحد لفظه للطلقة فهذي مشكلة
أما ازا كان طلقها وهو المخطئ فهذه مشكلة اكبر
أتصور إنه الموضوع يختلف من وحدة للتانية ويعتمد على أشياء كتيرة زي مدة الزواج وطبيعة الحياة بينهم
وإزاكان فيه أولاد ولا لا ؟
بس في كل الأحوال سواء رجعت ولا لا فكرامتها انجرحت وحصل بينهم شرخ كبير
انا اول ما تزوجت كانت تصير مشاكل بيني وبين زوجي وكنت كل ما تصير مشكله اطلب الطلاق مع اني احب زوجي ومتزوجين عن حب لكنه في لحظه الغضب سمع كلامي وطلقني يوم سمعت هذا الكلمه انتي طالق والله مثل سكين طعنة قلبي وطلع من البيت تميت اتصل واقوله ليش ليش مع اني انا طلبتها بس والله تعور الله لا يكتبها لحد ابدا راح عند اهلي وخبرهم الي صار بس ابوي قال حط يدك على راسها وقول دعاء ما اعرف شو هو والله نسيت رجع البيت وانا بموت من الصياح سوا الي قاله له ابوي والحمد لله الحين نحن متزوجين من 3 سنوات وعندي بنت عمرها سنه
صدقوني مب حلوه الحرمه تطلب الطلاق من ريلها خاصه اذا كانت السالفه سخيفه وما تستاهل الطلاق صعب والله
انا اول ما تزوجت كانت تصير مشاكل بيني وبين زوجي وكنت كل ما تصير مشكله اطلب الطلاق مع اني احب زوجي ومتزوجين عن حب لكنه في لحظه الغضب سمع كلامي وطلقني يوم سمعت هذا الكلمه "انتي طالق" والله مثل سكين طعنة قلبي وطلع من البيت تميت اتصل واقوله ليش ليش مع اني انا طلبتها بس والله تعور الله لا يكتبها لحد ابدا راح عند اهلي وخبرهم الي صار بس ابوي قال حط يدك على راسها وقول دعاء ما اعرف شو هو والله نسيت رجع البيت وانا بموت من الصياح سوا الي قاله له ابوي والحمد لله الحين نحن متزوجين من 3 سنوات وعندي بنت عمرها سنه
صدقوني مب حلوه الحرمه تطلب الطلاق من ريلها خاصه اذا كانت السالفه سخيفه وما تستاهل الطلاق صعب والله
موضوع حلو وردود حلوة و مفيده
يعطيكم العافيه
تسلمــــــــــــــــــــــــــــــــــــــــــــــ ــــون الله يعطيكم العافيه
والله يبعد شر هالكلمه عنا
بعيد الشر عني بس احسه تكون وايد قويه وفعلا مثل الشئ المكسور اللي ما يتصلح