شوفوا بقرتنااا تعطينا الحلييب وباقي الشغل عليناا 2024.

اليووووووووووووم بنزلكم طريقة عمل الروب من حليب بقرتناا الله يخليها لناااااا
خذت اكثر من اسبوعين عشان اصور كل هالصور وعشان تتجمع الزبده وكله جهد شخصي والي قام بالعمل هي امي الله يحفظها ويطول بعمرها قولوووا آآآآمين.. واتمنى من كل قلبي الي تنقل الطريقه والصور تذكر المصدر وجزاكم الله الف خير (وما احلل اي وحده تنقل بدون ذكر اسمي )

نبدأ بسم الله

طبعا أول شي ناخذ الحليب من البقره ونجمعه لمدة يومين عشان تستويلنا كميه وقبل لا نستخدمه نشخله وله مشخال خاص ب 3 طبقاات انتبهوا عشان بيكون في شعر البهيمه او تراب وهذي تصفي كل شي (تلقون المشخال عند الايرانين)

الكميه الي سويتها كانت 8 لتر ((ولكل 4 لتر قلاص روب)) بتعرفون ليش اقول لكم رووووووووووب من الطريقه

الطريقه هي:

نحط الحليب في الجدر على نار متوسطه وقبل لا يغلي ويبقبق نسكر النار بسرعه

ننقل الحليب في طاسه المنيوم او زجاج عشان يبرد بسرعه وابتعدي عن البلاستيك ..

نتركه ليبرد قليلا لأن عقب بنضيف الروب ..قتلكم من قبل ان عندي 8 لتر ولكل 4 لتر قلاص روب ..الحين عشان نعرف ان الحليب دفا نحط صبعنا عالطاسه من برع ونعد للعشره واذا تحملنا نقدر نضيف الروب..شوفوا الصوره

ونخلطه بخلاطة اليد الكهربائيه لمدة 5 دقايق

ثم يغطى بقماش ويترك لليوم الثاني السموحه ماصورت هالخطوه..احيانا نسوي الروب الصبح فنلقااه استوا فليل يعني مب شرط يوم كامل بتلقين الحليب تماسك وبذالك اصبح روب

وهذي صوووووووووورته النهائيه شكله يشهييي

طبعا الي تبيه روب تخليه بالثلاجه وعقب ماشوف تفاعلكم وياي بعطيكم طريقة اللبن وكيف نستخرج الزبده من الرووووووووووووووووووووووب

ربي يحفظها لك يارب ويخليللكم هالبقرة ما شاء الله عليها

الله يخلي لج الوالده و يعطيها العافيه على هذا المجهود
الصراحه من زمان و أنا ودي أعرف كيف يسوون الروب..تسلمييييييين يا قلبي
و ننتظر الجامي و الزبده..