اخواتي انا وصلتني هدية ها المرجيحه مالت الرضع
بس خايفة احط ابني عليها من الحين ما ادري تناسب عمره
الخدامة رمت العلبة والكتيب قلت يمكن مكتوب من اي عمر تناسبه
المهم دورت صورة نفسها ما لقيت
بس الحين بالدصفة شفته بموضوع الغالية دلوعه توتي بغرفة ركوني الحلو
شوفوها نفس هذي الي على اليمين الازرق والاخضر
هو عمره شهرين و3 اسابيع تناسبه والا مو زينة للظهر من الحين؟؟؟
بس شافتها عمتي وقالت لي مو زينة حق ظهره بس بصراحة أني تميت استخدمها له لحد ما كمل 4 شهور تقريباً بس ما أحطه فيها فترات طويلة
واتوقع انها مب زينه لضهر البيبي :rolleyes: يعتمد الموضوع على ظهر المرجيحة اذا تقدرين ترجعينها لورا خالص في وضع راقد … مااظن راح تكون مشكلة … لانها بعده صغير … وما يقدر يصلب ظهره … بس اذا كانت مستوية مثل الكرسي خليها شوي على ما يدخل الخامس ممكن يقعد فيها فترات بسيطة … وبعد السادس عااااااااااادي يقعد زي ما يحب ….
ادري طولتها وهي قصيرة … بس اتمنى اكون افدتك..
أنا أستخدمت نفسها حق ولدي وعمره 3 شهور او شوي أقل،، بس ظهرها من النوع اللي يتنزل إلى تحت وكنت أحط أسفنجة تحته وماكنت أخليه مدة طويلة.. إنتظري كم أسبوع وبعدين خليه فيها بس أهم شي ظهرها يكون مسطح مو مقوس لأن مساكين ظهرهم مايشد….