زي مانتو شايفين الموضوع من عنوانه
انا حامل وناوية انشاء الله اني اربط بطني بالمشد الاندونيسي بعد الولادة بأذن الله
فقلت لازم اعرف طريقة ربطه ، فكنت عند حماتي وشغالتها اندونسية المهم سألتها عن المشد قبل ما اكمل كلامي فتحت عيونها وقالت هذا كويييييس كتير ماما :21_235:
قالتلي جيبيه وانا اربطلك هم كويس
قلتلها بس انتي علميني كيف <<معليش طولت السالفه عليكم بس وربي لاني حابه افيدكم
المهم قالت هادا ماما نربطه من تحت يعني من الفخوذ ونطلع فيه لفوق لين تحت الصدر ونربطه بقووووووووووة قالت هادا يجلس من شهر لشهرين او خليه اكتر يصير الجسم كويس ما يمتن ويصير مشدود مرة حتى فخوذ تصير مرفوع<< طبعا انا مركززززة على الاخر معاها
وقلتلها وايش عندكم كمان حاجة كويسة علشان الحرمة لمن تولد قالت ماما الزنجبيل مرررة كويس وضحكت <<عرفت انه فيه شئ بالموضوع
قالت هادا زنجبيل طازج ماما ابشريه ناعم بالمبشرة وحطيه مويه ساخن بعدين يصير دافي اجلسي فيه هادا يخليكي كأنك ماولدتي تصيري بنت
انا طبعا مصدومة منها
بعدين قالت هو يحرق شويه بس مرة كويس ينزل كل الموية ويشد من تحت بقوة يشد والله تصيري كأنك بنت :21_186:
قلتلها وايش كمان
قالت جيبي كركم مو مطحون اهم شئ مايكون مطحون تقول يجي كدة زي الزنجبيل ناشف المهم كسريه صغير واغليه مع نص كاسة موية اغليه كويس واشربيه تقول يخلي الوجه منور وابيض وصافي وربي منها الكلام
المهم يابنات انا حبيت افيدكم لاني بأذن الله ناوية اسوي اللي قالت عليه وانتو كلكم تعرفو الاندونسيات كيف بشرتهم واجسامهم اصلا ما نصدقهم لمن يقولو انه عندهم اولاد
وطلبي منكم دعوة بظهر الغيب انه ربي يسهل ولادتي ويعطيني طفل سليم معافى كامل الخلقة بلا زيادة او نقصان
عند أهلي شغالة أندونيسية مدحت لي كثير الكركم الجاف بس قالت الطريقة أنه يغلى مع موية وبعدها يشرب…وبكذا ينظف الرحم
أما عن المشد فقالت أنه كويس ويلف من نهاية الصدر لحد الأفخاذ لمدة شهر تقريبا
المهم…
من وين أشتري هذا المشد…..لأني أنا أريد استخدمه كمان بعد ما أولد بالسلامة
دعواتكم لي.
ويسعدك دنيا وااااخره
والزنجبيل الطريقة اللي قالت عليها ماتضر مدري انا اخاف من هالاشياء حتى لو كانت طبيعية
و يعطيج العافيه
حبيبتي
بارك الله فيج لأفأدتنا بهالمعلومات الحلوه ,,
و فعلا ً انا قبل اسبوع كنت اكلم الخادمه ,,
و روتني المشد ,,
وقالت لي انها تلبسه 24 ساعه
كل يوم !!!
و نصحتني ,, و خاصه اني مربربه و دبدوبه ^__^
الصراحه انا حآليآ اشرب زنجبيل ,,
و فعلا ً احسه ينفع
والدتي ربي يحفظهآ ,, كان فيها كوليسترول
و كنت معاها في المستشفى ننتظر دورنآ عشان ندخل عند الطبيب
كانت في حرمه يمنيه قاعده عدالنا
و نصحت والدتي انها تشرب زنجبيل و حبه سوده ,, ( هالشي يقلل الكوليسترول )
و فعلا ً اول ما رجعنا البيت ,,
والدتي بدأت تشربه و لمده شهرين
و مره ثانيه راحت راجعت عند الطبيب نفسه !!
قال لها ,, الكوليتسرول نزل وااااااااااايد و بشكل فضيع و سريع !!!!!!!!!!!!
و استغرب و سألها كيف نزل ,, !!!
قالت له ,, اشرب زنجبيل^__^
كثروا من الزنجبيل يا بنات
تراه مفيد حده .. ^__^
والله ييسر عليك يااااااارب وتجيبي احلىىى خلفه يااارب
دمتي بحفظ الرحمن
يما منهم اذكيااء ههههههههه