شوكليت كيك** بصوص الشوكولاتة 2024.

السلام عليكم ورحمة الله وبركاته

الموضوع وباختصار شديد جداً إن على غفلة خير اللهم اجعله خير اتقدم لاختي عريس عقبال كل البنات يااااااااااارب :B_wink:

المهم أعمل ايه أعمل ايه مسكت الكراسة بتاعتي الخاصة بالحلويات
قلبت في الصفحات الكتيرة وشدني عنوان عجيب قووووووي

شوكليت كيك (طريقة عمتي) هههههههههههههه :8884:
أفتكرت الكيك ده كنت عملته من حوالي 5 سنين وكنت لسة صغيرة حوالي 19 سنة وكان راااااااائع وبابا اللي مش بيحب الكيك أصلا قوي عجبته جدا وخلاني كل يوم أعمل منها من كتر ما حبها
قولت يلا بما أنها عجبت بابا اللي مش بيحب الكيك أصلا أكيد هتعجب العريس وأهله
وشمرت عن ساعداي وقولت أبدأ الشغل :21_112:
وقولت بسم الله الرحمن الرحيم ….. نبدأ

المقادير:
(مقادير الكيك)
3 كوب دقيق أبيض
4 بيضات
كوب ونصف سكر (ممكن كوبين بس انا بالتجربة لقيت كوب ونصف أفضل مقدار)
كوب سمن أو يقم كوب الدهن كالتالي (ربع كوب زيت + تلات أربع كوب سمن)
كوب ونصف لبن أو (كوب ونصف ماء + 4 ملاعق ونصف لبن بودر مبستر )
4 ملاعق كبيرة كاكاو خام
ملعقة صغيرة بيكينج باودر + ملعقة صغيرة فانيليا

(مقادير الصوص)
8/1 كيلو قالب شيكولاتة خام (7-8 ملاعق كبيرة شيكولاتة مبشورة)
3 ملاعق كبيرة كاكاو خام
كوب ماء
ملعقة كبيرة زبدة

الطريقة:

(طريقة الكيك)
1/ نمنخل (الدقيق + البيكينج بودر) ويقلب جيداً.
2/ نذوب 4 ملاعق الكاكاو في كوب اللبن ونتركه على جمب عشان هنستعمله في الخلاط.
3/ نضع في الخلاط العادي ونضرب المكونات التالية (البيض + الفانيليا) ويضرب في الخلاط لمدة نصف دقيقة ثم يضاف له ( الكاكاو المذاب في اللبن + السمنة + السكر) ويضرب في الخلاط جيداً.
4/ نعمل حفرة في وسط الدقيق ثم نضع كل المكونات التي تم ضربها في كوب الخلاط وأعجن المقادير جيدا في اتجاه واحد حفاظاً على الهواء …. ويخبز في فرن متوسط الحرارة حوالي نصف ساعة إلى 45 دقيقة تقريباً يعني ساعة إلا ربع.

(طريقة صوص الشوكليت)
نضع على حمام البخار ما يلي (نذوب 3 ملاعق كاكاو في 1/4 كوب ماء) + قطة الشيكولاتة الخام + ملعقة الزبدة ويقلب باستمرار بين وقت والتالي إلى أن تذوب الشيكولاتة تماما وتصبح مثل الكريمة.

طبعا كده جهزنا الصوص والكيك إن شاء الله يكون أتخبز كويس وخرج من الفرن ومش شرط يبرد قوي يعني
اصب الصوص فوق الكيك وهو لسة في الصينية واوزعه كويس وأترك الصينية حتى تبرد تماماً ثم تقطع.
ويمكن تزيينا من أعلى الوجه بجوز الهند أو الشيكولاتة المبشروة بني أو بيضاء، بعد صب الصوص مباشرة حتى تلتصق به .. بس انا نسيت المرة دي بصراحة :21_218:

(ملاحظة من ابتكاري :21_207
كمية الصوص اللي عملتها لقيتها شوية بصراحة وعايزة اخليها كتير
قعدت أفكر يا ترى ايه العمل؟؟؟؟؟؟؟؟؟

ذوبت (1 كوب ماء كبير+ 2 ملعقة كبيرة نشاء ) وصبيتهم على الصوص وهي لسة على حمام البخار بعد ما الشيكولاتة الخام ساحت وفضلت اقلب فيها لحد ما النشا ابتدى يجمد ويبقى زي المهلبية بس سايل شوية ومعاها رشة فانيليا بسيط طلعت تحففففففة تحسي بتاكلي بودينج بالشيكولاتة على الكيك.

أنا صورت صورة بس الصورة طلعت بشعة من الموبايل ههههههههههههه بس يا رب تعجبكم
بإذن الرحمن هتعجبكم ،،،،

والعريس خلص طبقه ولما حطينا له تاني مقالش لاء :21_131: :21_131:

والف صحة وعافية (f)

مشكوره حبيبتي
وتسلم ايديكي على الطريقه
ويعطيكي الف عافيه