الحين ولدي داش الروضة
طبعا الدور الاكبر يكون للأم:
ايلس واعلمه بعض الاحرف بالانجليزي والعربي
وما شاء الله شطور
بس يقولي امي ايدي تعورني اصبري شوي!! 
تعتقدون متى بيحفظ الاحرف بالعربي والانجليزي!!
والارقام بعد باللغتين
هل كل اسبوع احفظه حرف او رقم لين ما يتعلم ويقراهم ويحفظهم!!
للحين حافظ تقريبا بعض الاشياء
وانا مب مقصرة اشغل له دي في دي فيه كل هالاشياء ويحاول يقول معاهم
يعني كل ام ولدها يدش الروضة:
انتي شو تسويين؟ اول ما يرجع؟ متى يتغدى ؟
هل ينام؟
متى يقوم اذا رقد؟
متى تذاكرين له؟
متى يرقد بالليل!!
سوري اسألتي وايد
بس ابي اعرف علشان اكون على يقين بتعاملي مع ولدي وما اظلمه وهو صغير :15:
اني في نظري ان ما تضغطي على الطفل لان كلما ضغطي عليه بيكره الروضه
هذا بس الا في وجهة نظري بس انشاء الله يفيدوش الاعضاء
يبدلون ملابسهو م يتغدون اول ما يرجعون
هل ينام؟
لا انا نظامي مع عيالي مافي نوم
متى تذاكرين له؟
صراحه بعد الغدة اخليهم يشوفون تلفزيون ساعه بس و هذا الوقت الي نرتاح فيه انا و ريلي
و بعدها نبدأ بالواجبات .. انا عندي بالابتدائي و بالروضة
الي بالروضة مجرد حروف و الوان و رسومات تعليمية وترفيهيه بنفس الوقت
لانها صغيره الحين الله يحفضها 
بس انها تعرف الحروف والرقام بشكل مبسط
وسهل و اكرر لها المعلومات يوميا … و بالليل اسجلها آيات قرآنية بصوتي
تسمعها لين تنام و ما شاء الله عليها كل سبوع تسمع لي الي حفضته
انا افضل يبدأ التعليم في نهاية ثاني روضة … و هذا الطريقة اتبعتها مع عيالي
و لحمد الله
متى يرقد بالليل!!
الحمد الله انا عودتهم على انهم الساعه 8 خلاص ينامون
و بعدا اتفرغ لزوجي