مرحبا الغاليات
انا اجهز مطبخى حاليا من الاوانى وفي اماكن وايد شفت فيها شغلات فممكن تعطونى رايكم فيها:
ايكيا
هوم سنتر
هذيل الاماكن الفخمة … إما الاماكن العادية والى اسعاره واااااايد حلوه
أسواق الامارات
جوينت( 10 – 20 درهم)
الايرانيه( الاماكن المفتوحه الى تنباع فيها الاواني)
منو شرت عند واحد من هذيل وشو جودة الاوانى وشو شرت وسلامتكم
واذا في اماكن ثانية ممكن تعطونا خبر
معقول محد شاف هذا الاماكن او سمع فيها
بصراحه يا ختيه ….. هوم سنتر وايكيا معروفين …انا عني بصراحه ولا مره خذت من ايكيا ….بس هوم سنتر حلو وعندج مفروشات حول الامارات وعندج الكارفور وعند فيه محلات متخصصه باواني الطبخ احسن لج من
سوق الايرانيه لانه بصراحه شي من الاواني باااد كوالتي او بالاحرى ما يعمرن ….. واسواق الامارات
عندهم اشياء حلوه بصراحه انا خذت كذا مره من عندهم …اغراضهم حلوه وادوم بالمحافظه عليها …..
وبس
سوق الايرانيه لانه بصراحه شي من الاواني باااد كوالتي او بالاحرى ما يعمرن ….. واسواق الامارات
عندهم اشياء حلوه بصراحه انا خذت كذا مره من عندهم …اغراضهم حلوه وادوم بالمحافظه عليها …..
وبس
اتمنى اكون افدتج
انا شريت مجموعة أواني من أيكيا صح غاليه لاكنها عمليه وتدوم وياج عمر وتحسين انها متينه
ونصيحة الأواني اللي بتاخذينها من الأماكن الرخيصه أنا ما اعترض عليها بس لازم تحاسبين ان بعد فتره قصيرة بتسود وبتخترب وإذا أسودت أواني الطبخ فهذا معناه إن الطبخ فيها مميت لأن الماده تبدى تتحلل وتختلط بالأكل
وبالتوفيق