شو اسوي وياه حطيت له لزق لاكن ما نفع وتعرفون اليوم انصدمت يا الهندي وبطل الغاز تعرفون شفت بلاوي الله يعزكم وما مخلي اسفنج ولا المنويوم ماكلنه كله بس شفناه ضهر وما لحقنا عليه…. بس انا متاكدة انه منخش ورا الكبت..:confused::confused::confused:
:confused:شو الحل ؟؟؟؟؟
شو الحل ساعدوني ولا بحرق المطبخ كله؟؟؟؟؟؟
:confused::down::eek2:
العروسه الدلوعه
السلام عليكم ورحمة الله وبركاته
هــلا عـــزيـزتـــي DalOoO3a_S
والله يــعـــيـــنــج عــلــى الـــفــار
شــو رايــج تــضــعـــيــن لــه ســم الـفــئــران ,,,,,,أو اطــلــبــي
الـــمـــشــورة مــن مــكـــتـــب لــمــكـــافــحــة الــحــــشــرات,,,,,,,,
وان شــاءالله تتــخـــلـصــيــن مــنه بــأقــرب فــرصــة ان شــاءالله,,,,
طــمـــنـــيـنـــا عــلـــيــج,,,,,,,,,,,
تـحــــيـاااااااااتــــي
2222
الغالية تعرفين اني حسيت انه السالفة فيها فار،،،،22
اتخيلج وانتي تراكضين في المطبخ وانتي تباغمين وتركبين الكرسي والفار تحتج ،،، 222 ،،، وتقولين "توماس" شرا الحرمه اللي في توم آند جيري،،، الصراحة ما يبالها شي،،، ما عليج إلا بتوم،،، قصدي القطوة وهي بتيبلج أجله،،، صدقيني كانت عندنا قطوة الله يذكرها بالخير ويرحمها وحليلها ما خلت فار ما ركضت وراه وعضته،،، الصراحة كانت وايد مريحتنا من صدعة الراس،،، تيبلج الفار وانتي يالسه في مكانج امرة،،،،
واذا ما تبين القطوة ما عليج إلا بسم الفيارين،،، والله يسهل عليج
في سم الى الى شكل بودرة من وزراة الصحة
اطلبيها من عندهم
بس أهم شي تحذري من ايكون معرض الى الأطفال
وحاولى اتخلى المطبخ فاضي علشان ينصاد اذا خليته لاصقه
ما اكون عنده أماكن ينخش فيها
مالك الا الشركات الخاصة هم متخصصين واكيد بيقضوا عليه بسهولة
تلاحقي على عمرك لايكون اكثر من واحد ويتكاثر
واقول لزوجي
مابرد لا على جثة الفار
حاسبي اذا عندج اطفال يسوي امرااض