بالصدفه
طبعا ما فيه مقارنه بين بشرتي قبل وبعد هالمنتجين الصابونه والكريم
كانت بشرتي شاحبه وفيها من الحبوب وأثارها حفر وديان وتصدعات واللي يقهر الحبوب اللي تصير نفس الكره تحت الجلد اللي ما فيها طب وجافه ولها قشور واللون مو متناسق الخدود لون وحول الفم لون ومنطقه T دهنيه ومساماتها واسعه والزيوان مستوطن على خشمي تعبت ومليت من كثر الخلطات وما كو نتيجه
بعد أستخدام الصابونه والكريم في أول أسبوع أختي لاحظت وجهي تقولي بسك
كريم أساس وبودره على الصبح تحسب أني لطخه وجهي من الصباح وأنا والله مو حاطه
شي بس غسلت بالصابونه حتى الكريم ما حطيته والله يصيبك ذهول بشره تغير 180 درجه في أسبوع أو أقل والله أني ناصحه لكم من كل قلبي بس أهم شي الاستمراريه والمداومه عليهم وبعد ثلاث أيام راح تحسين بالتغيرات
[
صابونه الكركم
هالصابونه من بديت أستخدمها من فتره تقريبا الحين صارلي ثلاث شهور والحمدالله
حب الشباب خف عندي بشكل ملحوظ وتمر الاسابيع من غير لا أشوف حبه وحده
وأثار الحبوب القديمه أختفت نهائيا وقشور بشره الوجه ألتأمت وصار ت بشرتي
ناعمه وناصعه وتشع حيويه ولله الحمد ولون وجهي متوحد مع لون رقبتي ويديني عيبها الوحيد أنها تجفف البشره خصوصا أن بشرتي بطبيعتها جافه بس لقيت الحل ومذهل ومن نفس الكركم وهو ….
[
كريم الكركم
لون الكريم أصفر على لؤلؤي تمتصه البشره بسرعه ويعطيها لمعه على أضاءه وماله
أثر باقي على البشره وأغلب البنات جربوا صابونه الكركم وش كثر ممتازه للبشره
فما بالكم بكريم من نفس الصناعه وطبيعي.
النشره الداخليه للكريم
قشده بياري كركم تحضير أيورفيدي ممتاز في تركيبه ومحتوياته الفعاله يحمي الجلد من التلوث الجلدي والالتهاب والجراح والتشوه وغيرها بين الادويه التقليديه الهنديه والكركم مشهور بفاعليته الطبيعيه في منع العفونه ويستعمل لعلاج الالتواء والجراح ويحتوي على الزيت الاساسي "كركمن" وهو مكون ضروري في بعض الادويه للاصابات الجلديه في النظام الطبي الهندي وبالجمله هي ماده طبيعيه غير مؤذيه قط وقشده بياري كركم يمنع ويعالج التلوث الجلدي ويغذي الجلد ويقويه ويجيده ويجمله.
طريقتي في الاستعمال
صابونه الكركم تصير صابونتك اليوميه وأنا لأن بشرتي جافه أستخدمها مرتين الصبح
وقبل النوم بس مرات أظطر أستخدمها ثلاث أو أربع مرات وبعدها تنشفين الوجه واليدين
وأحط الكريم على الوجه والرقبه واليدين وبس.
المشكله شنو….
أن الصابونه متوفره وممكن الكل يلقاها بس الكريم هو اللي صعب تلقينه وأنا لقيته بالصدفه
من سوق نسائي خيري بالكويت تبيعه وحده هنديه أسمها (بنيتا) وبشرتها جنها من ممثلات الافلام الهنديه بيضا وتشع صحه وحيويه وعلى كلامها تقول أنها تستخدمه من 17 سنه ومشهور ومعروف بالهند واللي عندها أهوا الاصلي ورتني التقليد والاصلي.
الخطه المستقبليه…
راح أستخدم الصابونه والكريم على المنطقه. . . .وبعد الحلاوه لانه مانع للعفونه والالتهابات
وأخبركم بالنتايج أول بأول
وفايدتي أنكم بس تدعون لي
بالتوفيق والستر واللي تجود فيه أنفسكم
يعطيج العافيه حبيبتي
بس بغيت اسألج اذا ما فيها كلافه انتي شاريته من اي معرض؟
وشلون اقدر اوصل للمره هذي؟
لاني من الكويت وودي استخدمه
مشكوووووووره وما قصرتي
تحياتي
سيافه
انا استعملت الصابون لفترة وبالفعل فادني كثير اما الكريم فما ناسب بشرتي سبب لي حبوب.
السوق خيري كان بالاندلس
أدزلك رقمها على الخاص
سماهر
على كلامها تقول أن هذا الاصلي
واللي مو أصلي حتى علبته ولونه غير
وأهيا صج غاليه بس تستاهل
وأنا عن نفسي استخدم الصابونة والحمد لله فيه تقدم في بشرتي
والكل ملاحـــظ
الله يعافيج عمري
عروس جنان
يا حظكم … أرخص عندكم بوايد
اشحالكن…
محد من بنات الامارات العين يقدر ايحصله النا
يعني ممكن القاه فالعيــــــــــــــــن
ولا لا ؟؟؟
من زمان خاطري فصابونه الكركم بس مالقيتها
الله يجزيها خير اللي تلقاه النا
بالامارات … ما خبر حد
بس بنات الدمام والخبر …للي تبيه
 |
اقتباس |  |
 |
المشاركة الأساسية كتبها بنت الصقر |  |
 |
| سيافه السوق خيري كان بالاندلس أدزلك رقمها على الخاص سماهر |
||
 |
 |
عزيزتي بنت الصقر…. نحن عندنا الأصلي يبيعوه بالسعر اللي انا ذكرته وهو نفس العلبة اللي للكريم والصابونه ما في اختلاف ابدا.