صالونة الدياي بالروب
المقادير
بصل
شبنت سلك حشيش
قرنبيط جزر قرع كوسة الو فلفل اخضر حار انا حطيت 6 >>> مجرمة(6)
دياية
طماط
بهارات وملح
2 معجون طماط
2 روب
ماجي
الطريقة
نحمر البصل ونضيف فوقه الطماط وماجي
نضيف البهارات والملح على الدياي بزار فلفل
احمر كزبرة لومي اسود كركم
نضيف 2 روب على الدياي ونخلطه عدل
نضيف الخضرة على البصل والطماط والماجي ونضيف معاه ماي
نضيف 2 معجون طماط على الصالونة ونخليه يطبخ شوي
نضيف الدياي بالروب على الصالونة ونضيف 2 لومي اسود ونخليه يطبخ لين مايستوي
وهاي الشكل النهائي
ان شاء الله يعجبكم
والله بنات تعبت وانا اطبخ واصور واصغر الصور واحملهم فاذا عجبكم قيموني واللي تحب تنقل ياريت تكتب المصدر واسمي وشكرا
ماشاءالله تسلم ايدج على الطبخة الحلوة
فنانه وشكلها مشهي بصراحه تستاهلين التقييم
ماشاءالله تسلم ايدج
يعطيج الف عافية
تم التقييم
ونجربها ان شاء الله
تسلم يدج الحلوة
تسلمي يالحبيبة على هذا الطبق الصحي الشهي
فكره حلوه نضيف الروب ان شاء الله نجربها ويعطيج العافيه حبيبتي وتسلم يدج وتستاهلين التقييم
شكراااااااااااااااااااااااااااااااا
تسلمون ماتقصرون