شحالكم؟!
اليوم انا يايه و ابي مساعتدكم… من اسبوع صبغت شعري و صارتلي مشكلتين
اول شي…
صار ناشف بطريقه فضيعه!!! اول مره ينشف جي و مب عارفه شو اسوي فيه
للحين غسلته مرتين و حطيتله حمام كريم باللوز (قلت يمكن يساعد)
و هو صار احسن مو مثل اول ما غسلته لكن بعد ناشف (لما يكون مبلول احس شوي و بيتقطع صاير مثل البلاستك!)
لكن لما ينشف يكون ناشف و ناكش 
و المشكله الثانيه
صارت ريحته مش حلو!! كل ما يتبلل تطلع منه ريحه ماعرف كيف اوصفها.. هي مش حرق بس مو حلوه ابد
تحسين كلها كيماويات!!
اللي عندها نصيحه و جدول اسويه ارد نعومة شعري (حتى لو يومي) تخبرني .. نفسيتي صارت كلش مب اوكي.. يكفي انه اللون اللي سووه غير عن اللي طلبته 😐
عمري ماصبغت وطلع نفس اللون
بقلج طريقتي وشوفي اذا تناسبج
انا اسوي حمام زيت باستمرار
ازيت شعري دايم لانه ناشف وعشان يتغير الون يصير اغمق
احطله خرابيط المايونيز وغيره لاني اكون خايفه علا شعري اكثر من الصبغه ولونها لان اساسا مو عاجبيني
والريحه هذي بعد كريهه بعد التسبيح دخني شعرج
حطيله كريستال ريحته حلوه
وحاولي ماتربطينه لين ينشف عشان ماتمسك الريحه فيه
الريحه بتروح مع كثره الاستحمام
الله يعينج علا مابلاج
و تسلميلي حبيبتي والله ردج فرحني
شو تحطيله عسب يغمج و يكون خفيف ع الشعر؟! صارلي كم يوم ابي اسير اغمجه بس خايفه انه ينشف اكثر
و كريستال… هل هو سيرم ولا كريم للشعر؟ و وين ممكن احصله؟! سوري اسئلتي كثيره بس لأني اول مره اتورط بشعري جي
العاده حمامات كريم بين فتره و فتره اما الغسيل عادي و ما احط اي شي بعد البلسم لأنه يكون عادي ناعم و خفيف
نفس الشي صار معاي وما عجبني اللون ورحت صبغته ثاني يوم على طول والنتيجه ان اللون صج صار احسن من قبل
بس شعري الله لايوريج
فنصيحه اذا اللون مقبول لا تصبغينه مره ثانيه ترى صج صج يروح فيها
حاولي كثر ما تقدرين تحطين زيت اللوز لانه يطري الشعر
وحاولي تروحين للصالون تسوين حمام زيت مخلوط زيت+كريم وتقعدين تحت الجهاز
وكل شهر او شهرين قصي اطرافه لحد ما تتخلصين من الشعر القديم