هلا خواتي بغيت مساعدتكم في معرفة صلصلة المشروم مع الدجاج الي تنحط فوق المعكرونا انا ما اعرفها ولي تعرفها ياريت تخبرني لني ودي اسويها
وشكرا
انا مافهمت بالضبط اي صلصه تقصدين ؟؟ لان في انواع حق صلصة المشروم ..
بس بالنسبه للمعكرونه مع الصلصه البيضه بالدجاج والمشروم فاهذي انا حرييييفه فيها والعائله بكبرها تشهد بذلك 
انشاء الله تكون هي اللي خاطرج فيها ولا يهمج اعلمج اياها :shy:
راح احاول ارتبها لاني ما استخدم المقدير فيها وهذي ممكن تسمينها اول مشاركه لي في الطبخات 😮
المقادير:
دجاجه مسلوقه و مقطعه نفس حق السندويشات
كيس معكرونه مسلوقه يفضل الانبوب penne
علبتين مشروم مقطعين شرائح (او ممكن مشروم طازج بس لازم بعد ماتقطعينه انصاف تفوحينه في ماء مغلي بالمشخل لمدة دقيقتين فقط وترفعينه عشان لما تحمسينه ما ينزل ماي ) اوكيه :shy: و ممكن الماي يكون نفس الماي اللي بتفوحين فيه المعكرونه
علبة كريمه طازجه (لونها ازرق نفس علبة الحليب ) او اي نوع بس تكون مخصصه للطبخ مش للحلويات
راس ثوم مطحون
مكعب ماجي
ملح و فلفل اسود
ملعقه صغيره بهار اسمه طرخون (tragon) << ممكن تستغنين عنه اذا ماعجبج طعمه
جبن شيدر مبشورثلاث اكواب تقريبا
بقدونس لتزيين الوجه
الطريقه:
تحمرين ثلاثة ارباع كمية الثوم في الزيت <<< ليش؟ عشان بنضيف الباقي في النهايه
بس انتبهي لايصير لونه بني ترى الطعم كله بيخترب :pain:
بعدين ضيفي المشروم وحمريه مع الثوم وحطي معاه الماجي
والنار تكون معتدله بس اذا حسيتيه ناشف طبعا بتضيفين نصف كوب ماء او من مرق الدجاج السابق 🙂
وبعديييييين بنحط الديااااااااااي ونحمره
ونخفض النار ونحط الكريمه ابتدي بنصف العلبه بس<<<< طبعا النار لازم تكون خفيفه عشان الصلصه ما تنشف اوكيه :shy:
حطي كوبين من جبن الشيدرعلى الكريمه بس <<<<<والباقي وينه ؟؟ للتزيين (r) (r)
اضيفي الملح والفلفل الاسود او الابيض اذا ماتيبنه يبين والطرخون<<<<خلينه الملح آخر شيئ طبعا عشان الماجي وجبن الشيدر فيهم ملح فأنتي راح تذوقينه وتضيفين الملح حسب الرغبه اخيرا 
وبعدين حطي المعكرونه على الكريمه وخلطيهم مع بعض وبسسسسسس
لا بلقي شيئ دايما انساه 😮
الثوووووم اللي باقي حطيه قبل المعكرونه جربي هالطريقه وقولي لي 🙂
واذا حسيتي الصلصه ناشفه زيدي باقي علبة الكريمه الباقيه
ووقت التقديم حطيها في صحن التقديم وهي حاره وحطي عليها الجبن والبقدونس امانه تتقيدين بالتفاصيل 
222
ترا يعطيها طعم مميز
وبسسسسس انشاء الله تكون الطريقه واضحه وسلسه
وبعد يكون نفس اللي تبينه 2
تسلم ايدك
والله شهيتيني اسوي هالطبق بس للأسف انا في الدوام
ان شاء الله يوم الخميس على طول بسويه
يعطيك العافية
مشكوره اختي على هاي الوصفه والله يعطيج العافيه انشاله
شكراً :shy:
والله يسلمج
والشكر الاول والاخير حق مريم ع هي اللي خلتني اطلع مافي جعبتي2
وجربي الطبق تراه سهل والاحلى فيه انه مافيه بهارات كثيره يعني لازم بيسألونج اشلون سويتيه ؟؟ الطعم حلو وفيه سر :eek2:
وارجوك اتقولين لي النتيجه
وما قلتي لي هذا اللي بغيتيه ؟؟ واذا جربتيها الوصفه قولي لي اشرايج من غير مجامله بس اذا مو ذاك الزود ؟؟
خليها عالخااااااااص 222