السلام عليكم
شخباركم .. عساكم بخير
بغيت منكن طريقه للحم المفروم يكون وياه صلصه يعني يكون فيه مرقه اشويه … مثلاً لو بغيت أسويه وأخليه مع معكرونه بيضه او أي شئ ثاني … أبي شئ حلووو ويلهلب في الفم
بانتظاركن
_smil1:
حبيبتي والله ما اعرف هاي الطريقة ان شاء الله البنات يساعدونك
خذي ياحلوة الطريقة … تاخذي لج بصل وتقطعينه ناعم وتحمرينه بالزيت لين مايشقر وبعدها تجيبي اللحم المفروم وتحطينه عليه وتحطين عليه شويه بهار عشان يطبخ بدون زفره تنزلين شوي عالنار وتغطينه لين ماينضج ماياخذ وقت كثير تفتحينه بيكون نضج ونشف من الماي وبعدها حطي بهارات انا بهاراتي المشكله حاره شوي واحط بعد فلفل اسود وشويه كاري وشويه بابريكا وبعدها تقطعين طماطم الى قطع صغيره اذا كان الطماطم قاسي يفضل اما تقشرينه وتقطعينه او تحطينه بالخلاط عشان ينطحن ومايبان له اثر اذا قطعتيه حطي عليه الملح عشان يذوب اسرع وغطيه نزلي على نار هادئه لين مايذوب بعدها حطي معجون طماطم حطي لين ماتحسي ان اللحمه صارت حمراء بعدين حطي ماي عليها لين ماتشوفينها صارت مرق خليها تغلي واذا حسيتي انها ناشفه زيديها ماي طبعا انا ماقدرت لك مقادير عشان حسب اللحم الكميه الي تسويها يعني انتي بالنظر بتعرفي ان شاء الله وبعدها بتكون مرق لحم جاهز للاستخدام صح ممكن تضيفي للحم مكعب ماجي اذا اضفتيه قللي الملح لانه مالح وممكن تضيفي شويه بقدونس وشبت وكزبره هذا حسب الرغبه .. هذا العصاج انا استخدمه للمكرونه والاسبيكتي وهم للزانيا بس في اللزانيا اضيف له جبن وصلصه بيضاء .. اتمنى اكون افدتج .. تحياتي
ღ الينبوعه ღ … ولاء علي
شكرا لكن على الرد وشكراً لولاء علي على الطريقه
:B_wink: