صور و شرح treatment ممتاز للوجه في البيت،،حسب اختصاصية محترفة 2024.

هذه طريقتي في العناية بالوجه و تنظيفه و ازالة عوامل الجو و الارهاق،،اتبع هذه الطريقة مرة بالاسبوعين او الثلاثة حسب الحاجة،،

كمان هذه الطريقة علمتها لي حرمة متخصصة و هي اللي كانت تسوي لي وجهي و تنظفه و تعالجه قبل العرس. قالت بدال ما كل 3 او 4 اسابيع تروحي للمزينة من اجل التنظيف ممكن تسوي هذه بالبيت و كل 8 اسابيع روحي للعيادة لو في لزوم،،و الله حرمة شاطرة في كل ما يخص التجميل ،،و على فكرة بعد العيد بروح لها عشان treatment للشعر و لو استفدت ان شاء الله بقول لكم ايش سويت..

معلش كثرت بالكلام ،،يلا ندخل بالموضوع:

بشرح بالخطوات:

1) نغسل الوجه بالغسول كويس و نشفه

2) نعرض الوجه للبخار 3 دقايق،،،بس انتبهو تعرضو الوجه للبخار و هو مش نظيف لانه تنفتح المسام و يدخل الوسخ،،،لازم يكون نظيف.

3) حطي قطرات زيت لوز او مزيل مكياج و امسحي بالقطن فورا، بتطلع اوساخ،،ظلي امسحي لما الوسخ يبطل يطلع.

4) عرضي الوجه مرة ثانية للبخار لفترة و بعدين على طول حطي المقشر في كل الوجه،،حركي المقشر على الوجه بحركات دائرية و عرضي للبخار ،،خلي المقشر على الوجه 5 دقايق

5) اغسلي الوجه من المقشر بماء دافي و نشفي و حطي ماسك لمدة 10 او 15 دقيقة.
انا احط واحد من التالي.

clarins حطه بانتظام كل جمعة حتى لو ما عملت بخار لانه ينقي و يوازن الدهون.
الاخضر احطه مع البخار مرات و مرات بدون،،كمان كويس يمنع تكون البثور و الاحمر قناع طيني بس خلص و انا حاليا استخدم الاخضر استخدمهم بالدور.

6) اغسل الماسك بما دافي و بعدين بارد.

7) امسحي الوجه بالتونيك.

8) حطي كريم مرطب مناسب، انا احط كريم الليل من clarins لانه عادة اعمل الموضوع هذا بالليل.

لا تنسوا:

– لا تعملوا البخار لو بتحطو ميك اب نفس اليوم،،اما قبل بيوم او بعد بيوم.
– لا تعملو البخار و تروحو ساونا او تستحموا.
– لا تعملوه و في حساسية او حرق او لدغة ناموس.

عارفة كثرت بالكلام بس انا شرحت لكم زي ما هي شرحت لي بالضبط.

كنت كمان ناوية احط العناية باليد و القدم بس تعبت ،،ان شاء الله في العدد القادم،،،:2_106::2_106: