طريقة عمل صينية البطاطس بالفراخ روووووووووووووووووووعة وتحفة جدا بجد
المكونات
نصف فرخة وده على حسب عدد الافراد وطبعا تكون مغسولة كويس اوي بالخل والملح
عدد 2 فلفل رومي مقطع قطع صغيرة
بصلة كبيرة مبشورة بشر ناعم
تلات حبات بطاطس او اكثر حسب الرغبة
معلقة طحينة كبيرة ومعلقتين كبار خل و2 عصير ليمون
بهارات طبعا بس نسيت اصورها ملح وفلفل اسود وبهارات مشكلة وورق لورو وحبهان
نحط كل المكونات دي على البصل ونقلبه كويس اوي
وبعد كده نضع التتبيلة دي على الفراخ ونقلبها وهنا شكل الفراخ وهي عليها التتبيلة
ونتركها لمدة ساعتين على الاقل في التلاجة
وبعد كده نجيب صينينة وندهنا سمنة وبعدين نشيل البصل من على الفراخ ونحطه كله في ارضية الصينية
وبعدين نقطع البطاطس شرائح مش رفيعة اوي ولا سميكة اوي ونضع عليها شوية ملح وبهارات بس مش كتير لان الفراخ عليها ملح وبهارات برضو
وبعد كده نرص البطاطس فوق البصل بحيث ان البصل يتغطى بالبطاطس
وبعد كده نضيف فوقهم الفراخ
وندخلها الفرن لمدة نصف ساعة تقريبا ونغطيها عشان بيكون فيه بطاطس مش فوقها فراخ عشان البطاطس تاخد طعم الفراخ اما لو عدد الفراخ اكتر من نص فرخة يبقى مش لازم نغطيها
هي هتكون لسة مش استوت بس هيكون البصل اتحمر من تحت شوية
ونضيف عليها 2 كبشة شوربة ونوزعها على اطراف الصينية كها
وبعدين ندخلها الفرن تاني لمدة نصف ساعة تانية ولما تحسي ان البصل اتحمر كله نولع الشواية شوية عشان الوش يتحمر
وده الشكل النهائي
وبالهنا والشفا
وعلى فكرة ممكن نقطع شرايح طماطم بعد ما نرص البطاطس وشرايح تانية فوق الفراخ بس انا جوزي مش بيحبها كده بس لما بيكون عليها طماطم بتكون طعمة وحلوة
مستنية الردووووووووود الحلوة
(f)(f)(f)
يعطيك العافيةياالغالية
ارجو حطي اسمك على الصور أأفضل وحفظاً للحقووووق ….
بس انا مش بعرف اكتب اسمي على الصور ازي وكمان الجهاز بتاعي بايظ حاليا يعني
ويعطيكي الف عافيه
شكلها يشهي و باين إنها لذيذة 
تسلم الأيادي و عليكم بألف عافية (f)