السلام عليكم بنااات
شفت هالصينيه وقلت اجربها وطلعت حلوه
هاي الكلام نقل من صاحبة الاكله :::
ماكو مقادير .. هالشي يعتمد على حجم الصينيه و عدد الافراد
اول شي .. نسلق صدور دجاج ونفتتها ..
نتركها على مانحضر باقي المكونات ..
نقطع الجزر شرايح ضعيفه رفيعه .. والبصل شرايح .. وممكن اضافة الفلفل الرومي الاخضر
و قطع من الزيتون الاخضر ((( بس انا مااضفته )) .. وثوم مفروم
و نحضر على جنب .. صوص (1)
صلصة الطماطم جاهزه
او :::
طماطم مفرومه .. اقليها في الزيت واغطيها عشان تتسبك .. واضيف لها صلصة طماطم وماجي و بهارات مشكله
اضيف لها بصله مقطعه واخليهم شويونه على النار
صوص (2) نخلط في صحن
علبة زبادي .. 3 م ك مايونيز ..
رشة ملح – فلفل ابيض – سماق – نعناع مفروم سواء طازج او مجفف
علبة جبن شدر صغيره مبشوره .. عصرة ليمون
وبجذيه راح يكون شكله الصوص
صوص (3) .. في الخلاط .. نخلط ..
علبة قشطه + 5 م ك جبن سائل + 3 م ك مايونيز .. رشة فلفل ابيض
الطريقه :::
بعدين في مقلاه كبيره .. نقلي البصل مع الثوم و الجزر.. وفلفل بارد – بهار مشكل .. اي بهارات تحبون تستخدمونها ..
مع رشة صويا صوص و خل و مكعب ماجي ..
نضيف الدجاج عالخليط السابق .. و نحركه حتى يتشرب النكهه .. و نحركها شوي ونضيف عليه صوص الخلطه رقم (2)
وهاي شكلها قبل اضافه صوص رقم 2
واهني عقب ماضفت الصوووص
في صينية الفرن .. نضع صلصة الطماطم (1)
ثم نضع فوقها طبقه من التوست المنزوع الاطراف ..
ونضييف خلطة الدجاج بالروب فوق التوست
والحين نصف طبقه من التوست ..
نصب فوقها صوص رقم (3 )
وانا رشيت شويه نعناع وارغانو
ممكن اضافه جبن مبشور وشيدر
ندخلها الفرن حتى تتحمر ..
وبالعافيه
وان شاء الله يعجبكم
وانا معدله في كل المقادير وترتيب الطريقه باللي انا سويته
فعلا ابدااااااااااااااااااااااااااااااااااااااااااع
تسلم ايدج حبيبتي ويعطيج العافية ان شاء الله …
تسلم ايدج حبيبتي
مع اني من النوع الي نادرا مايطبخ بس الاكلة عجبتني
انشاءالله راح اسويها لزوجي
الله يعطيج العافية
تسلم الأيــــــادي
شكلها أجنان
عاشت ايدج حبيبتي
تسلمين يا وردتنا