السلام عليكم ورحمة الله وبركاته
شخباركم بناتـ.. 😮
بنات موضوعي بخصوص الحلاوه وطريقة إستعمالها 
ماعرف أستعملها ياريت حد يعلمني الطريقه الصحيحه لأستعمالها ..
لآنه يوم أسويها جي تذوب فالشعر ومااقدر اتحكم فيها ;)..
تحياتي
حبيبتي والله انا مثلك وابي اعرف وش السبب لما تذوووب بسرعه بيدي
ان شاء الله يردون عليك … واستفيد وياك
أن شـاء الله ..
لآنه والله متعبتني وخاطري أشيل بالحلاوه.. كله بالموس ><
والله أنا تتجمد بيدي لدرجة أقرفتني و أنا استخدمها …
خواتي العرايس….الحلاوة تذوب من الحرارة…..يعني ماتستعمليها لينة كثير بالصيف لانها تذوب وتلصق بالشعر…خليها جامدة بين ايديك وخلك في غرفة بها تكييف بارد اوخلي بالقرب منك مروحة الهواء الكهربية والعملية تقومين بيها بسرعة وماتتباطين لانها تسيح وقبل ماتشيلين الشعر رشي شوي بودرة على المكان المرغوب نزع الشعر منه…وموفقات.
قبل لاتشيلين شغلي المكيف قبل بفترة عشان الغرفه تبرد .. ورشي على المنطفة اللي بتشيلينها بودرة وشيلي بسرعه عشان ماتلصق
ان شاء الله تنفع معااج
مشكوررينـ حبايبي .. ع الردود ..
وان شـآء الله ببـرد الجو وبشوف أشلون النتيجه..
وان شـآء الله ببـرد الجو وبشوف أشلون النتيجه..
تحيـآتي
انزين اذا الحلاوه العجيبه مثل مايسمونها تذوب استخدمي الرول !! ماعتقد بيذوب لانه اوردي رول وينحط ف ماي حار ويتسخن وتحطينه ع شعر وتحطين الخلقه وتشلينه عاادي يعني انتي مابتلمسين الحلاوه اصلا
هذا رايي الشخصي يعني دام عندج هالمشكله لانه ماشاءالله في ناس اجسامهم تكونن حاااره من جذيه الحلاوه تذوب يعني من حقها هههههههههههه
اسولف اسولف
ربي يحفظج الغاليه
اتمنى اني افدتج
انا اقول احسن حل الى اللي يستخدمون الحلاوه انهم يستعملو الرول اللي تجي معاها قماشه
الظريقه سهله ونظيفه وسريعه و تشيل شعر اكثر
بس الطريقه ماتنفع لمنطقه الابط للاسف