اذا لم ابالغ في كلامي فان نصف النساء تحب التسوق والشراء لاطفالهم بالاخص الملابس وبكميات كبيره بحيث تصغر على الطفل ولم يرتديها الا مره او مرتين
وكل هذا يحتاج الى مبالغ نقديه وسياسه حكيمه في الشراء
وعقل مدبر بحيث تكشخ اولادها وماتكون اسرفت في نقودها لا ن كل ام تتمنى تتحقق لها الامنيتين ملابس ماركه وجميله وفي نفس الوقت السعرمناسب تعالو نفكر
كل ام تدخل تقول فكرتها في الشراء لاطفالها لكي تعم الفائده ونستفيد من افكار بعض
ابتدي بنفسي احب دائما لبس ابنائي الثلاثه يكون ماركات اشتري بالاسعار الا صليه في المناسبات والاعياد فقط
عندما تكون هناك تخفيضات اتسوق وبكثره بعضهم المقاسات مناسبه والبعض تكون اكبر
بتسالو ويش تعملي في الملابس الكبيره ؟؟؟؟؟؟؟؟؟؟
اخزنهم للموسم الجاي بحيث ما يجي الصيف يكون عندهم كميه زينه يلبسوها وبقية الملابس من الاسواق المتنقله او المحلات الي تكون اسعارها مناسبه
لاتقولو يكونو قديمين لاني مجربه هذا الشيء والكل يقول اولادك اخر شياكه
والمقاسات كل ام تعرف وتقدر طول وحجم طفلها
وترى الموضوع شخصي والصور حاطتها افتح نفسكم في الموضوع
ومنكم نستفيد
طريقتك حلوة وعملية بالفعل
بحكي عن نفسي وبكل صراحة انا بشتري لاولادي بشكل متقطع ودائم بس بشتري بكثرة
لما بنزل سوريا او بالاعياد اكثر شي وبصراحة نادرا ما اشتري ماركات اجنبية مثل ادمز ونكست وبامبكن وغيره
بس احب ملابس سما والعيسائي وستي ماكس للاطفال والمحلات الاخرى
عشان هيك مابشتري واخزن بحب اشتري والبس على طووول
مشكووورة ربيعية عالموضوع
وستي ماكس اشتري منه اكثر شيء حق ولدي
واكثر شي اخذ من مذركير وبيبي شوب ونكست وادمز .. اوبيبي .. اتش بي اس .. ممممممم ماكس .. فيوليت .. تك تك .. يعني بشكل عام اي محل فيه سوالف اطفال صارروخ صوبه .. احيانا اكون سايره مخصوص لشغله بس من اشووف ملابس بنوتات حلوه .. ريلي لا اراديا تسير صوووبهم لوووولز
وانا بصراحه مسرفه بملابس الاطفال بشكل حاولت اظبط نفسي ما عرفت لاني تقريبا اسبوعيا في السوق !!!
انا للحين ماصارت عندي تجربة كبيرة لان ولدي توه 6 شهور بس الي صار اني شريت له ملابسه الاولية قبل الولادة وبعد ماصار وولدت صاروا كلهم كبااار عليه لانه جبته قبل 9 شهور فاضطريت بعد الولادة اشتري غيرهم بس ماكثرت والكبار صرت استخدمهم شوي شوي لما الحين تقريبا كلهم خلصوا صاروا صغار عليه
ولما دخل الشتا تسوقت له ملابس شتوية تكفيه حق الشتا كامل بس بعد مو باسراف الحمدلله يعني كم بدلة عشان مايصغروا لاني جربت مرة تسوق بدون سبب وصار عنده ثياب في شهر واحد وااااجد والحين معظمهم لبسة او بدون لبس وكلهم صغروا فقررت الحين اني اتسوق له كل 3 شهور وبس بالاضافه لو شفت محتاج لشي معين ضروري او طالعه وشفت شي عجبني بس مو دايما
بالنسبة للمحلات اهم شي عندي يكون حلو ومرتب وقماشهم زين وقطن مو مهم ماركة ولا شي وتقريبا الي اخذتهم متنوع ماركة من الماركات المعروفة وهم بعد من محلات متفرقات مثل السوق المتنقله والمحلات العادية الموجوده عندنا او بالسعودية لما اروح..
مشكورة اختي وتسلمين على الموضوع
اول ما أشوف محل فيها ملابس الاطفال علاطول أدخل
بس الحين عرفت وهذا اسراف ما وايد اشتري بس يوم تحتاج ضروري اخذلها
مثل مناسبات والاعياد و الصيف والشتاء وبس
دائما أحط جودة البضاعه مقياسي الأول
طبعا مودائما غالي وماركات بنوع ملابس الطلعه والمناسبات كشخه وغاليه
لبس البيت كلو ومرتب من المحلات العاديه
ماأحب التخفيضات آخذ الملابس بسعرها الأصلي
أشتري بأوقات محدده ما أمشي وأشتري
العيد ،مناسبات ، بداية الصيف وعند هجوم البرد
أعمل تصفيه على الملابس وأشوف أحتياجات عيالي
هالأيام كسرت القاعده بالنسبه لأبني الصغير 7شهور أذا شفت شي عجبني على طول
أشتريه أحس أحتياجاته أككثر في هالسن
موضوع جميل و رائع
انا عن نفسي اشتري لولدي كل شهرين 3 يعني حسب المقاس مثلا من 6الى9 شهور فاشتريله لمن يكون عمره 6 و ارجع اشتريله لمن يصير 9 اشتريله 7 بدلات تقريبا يضل يلبس فيهم 3 شهور لان هو حاليا صغير و ما يستهلك الملابس يعني تصغر عليه و هيه جديدة و انا مو من النوع اللي اطلع يعني بيت اهلي كل اسبوع نتجمع و اختي يمكن بالشهر مرة و كل 3 او 4 شهور التقي بصديقاتي
اما بالنسبة للمحلات اللي اشتري منها فاولهم H&M احس ملابسه كلش حلوة للاطفال و NEXT و محل ما ادري اذا عندكم منه اسمهEXIT و محل كبير اسمه MAGSINE يضم كل الماركات العالمية
شكرا لك مرة ثانية على الموضوع الحلو
طريقتي اني اشتري لولدي من التخفيضات {بدايتها}تكون المقاسات متوفرة وتكون للطلعات والمناسبات ممكن اشتري بالسعر الاصلي واما عدد اللبسات فما اكثر من اربع الى ست لاننا مغتربين ومعارفنا قلليل اما للاجازات فاشتري اكثر من كذا لاننا نسافر لاهلنا