كيفكم عرايس
اليوم حبيت انزل طريقتي للعنايه باكل شئ يخص البنات
ونبدا اول شئ بالوجه
1_ عند القيام من النوم نستخدم غسول نيتروجينا لحب الشباب ونستخدم بعده الصابونه الي ترتاحين لها انا استخدم بيزلاين مرا حلوه
2_ قبل ماتروحين الدوام ادهني وجهك بكريم اولاي للنهار
3_عند الرجوع من الدوام اغسلي وجهك باي غسول تحبينه وترتاحين له بعدها رطبي وجهك باي مرطب مناسب لنوع بشرتك
واركز على الترطيب لانه مهم
4_والعصر احط في وجهي قناع واستخدمه بشكل يومي حلو مرا للبشره
قناع السدر مع مويه الورد وبعض الاحيان اضيف له ملعقه صغيره حليب بودرة
عن جد اتعب وانا اوصف يصفي البشره ويفتح واتركه لمده نص ساعه تقريبا
وبعد ماتبعدينه مرري على وجهك مكعبات مويه ورد مثلجه
ورطبي وجهك بعده
5_ولي تعاني من اثار الحبوب في وجهها تستخدم كريم بتنوفيت لون العلبه ابيض وفيها خطين وردي
وتحطه اول اسبوع ثلاث مرات باليوم بس انبهكم من الحين لاتحطونه على الحبوب
6_ قبل النوم نغسل الوجه باي صابونه تناسبك وانا مثل ماقولت استخدم بيزلاين مرا حلوة
ويعدها ندهن الوجه بكريم اولاي لليل ونحط حول العين جل اولاي للعيون
ثاني حاجه
الشفايف
انا احطه على شفايفي وصراحه مرا حلو (ملقعة فازلين _ ملعقه فكس _ نص ملعقه صغيره كريم جلسوليد)
وامرر على شفايفي كل يوم بمعكب ثلج من مويه الورد ومع الوقت بتلاحظي ان السواد الي في شفايف يخف ويعطيها لون وردي
ثالث حاجه اليدين
ونقشرها كل يومين او ثلاث ايام باليمون وملح خشن لمدة 5 او 10 دقايق ونغسلها
واستخدم قناع لليدين اخذته من منتدى الله يجزي صاحبته كل خير عن جد حلو يعطي الايد نعومه وتفتيح وتلاحظينه من اول استخدام
مويه ورد وقهوة عربيه مطحونه وشبه الين تتكون عندك مثل العجينه
وحطيه في يدك ربع ساعه واذا جيت تبعدينه اجلسي افركي بحركات دائريه وغسلي وادهني يدك بكريم جلسوليد
رابعا الشعر
اول شئ نصيحه مني لاتغسلون شعر بدون ماتحطون عليه زيت او اي قناع يناسبك لانه مع الوقت بيتلف
وثاني حاجه لاتحطين الشامبو على شعرك على طول
خذي اي علبة شامبو فاضيه وحطي كمية الشامبو الي تبين وحطيه في علبة الشامبو القديمه وحطي عليه مويه
لان الشامبو على الشعر على طول سبب في اتلاف الشعر وتقصه
انا استخدم قناع الزبادي مع ملعقه من كل زيوت الي عندك والزيوت الي استدخدمها زيت جوز الهند _ زيت الزيتون_ زيت الخروع وملعقة زبده )
واضيف له كمان سدر مطحون مقدار ملعقه
واتركه ساعتين
وفي وسط الاسبوع استخدم اي زيت يناسب شعرك واكتمي الشعر لمده ساعتين عشان شعر يستفيد
ويوم الابعاء احط بديل الزيت من غارنيه واتركه ساعه
واستخدم شامبو غارنيه الاخضر فروكتيز واستخدم الماسك تبعه عن جد روعه
واستخدم كريم الشعر من صانسلك للمعان وقوة الشعر حلو
وعشان تبان النتايج في شعر ابعدي عن الاستشوار ولا تستشورين الا لضرورة
واذا حبيتي تستشوين شعرك لازم يكون عندك سيريوم لشعر عشان يحمي الشعر من التصف
خامسا الجسم
واكثر شئ انبه عليه ازاله الشعر من الجسم بالحلاوة
لاتقولين تعب وياخذ وقت والم
احنا بنات ولازم نهتم في انفسنا
وكمان يشيل الجلد الميت من الجسم
وبعد ماتشيلين الجسم بالحلاوة ادهني المكان بزنجيبل اخضر وثلاث ايام بعده ادهني بزيت زيتون ومع الوقت بيخف الشعر في الجسم
ونجي لشئ كثير من البنات يغفلون عنه الي هوا التقشير
التقشير شئ ضروري للجسم
وياكثرها المقشرات استخدمي مثلا مقشر طبيعي
زيت زيتون مع ملح خشن وليمون
او استخدمي مقشر بالمشمش
والتقشير يكون بحركات دائريه ومو تضاربين وانتي تقشرين لانك مابتحصلين نتيجه حلوة
والتقشير يكون مرتين بالاسبوع
وركزي كمان على الحمام المغربي مرا كل اسبوع ومع الوقت بتلاحظين البشره بدا يتوحد لونها وتفتح
وفي نهاية كل ترويش اشطفي جسمك بمويه بارده يشد الجسم ويغلق المسام
وبعد الترويش دهني جسمك بالكريم الي تحبينه واركز على نقطة الترطيب لان اذا تروشتي ومادهنتي سبب لجفاف الجسم وسواده يعني شئ ضروري
سادسا العنايه بالقدم
قبل النوم ادهني القدم بفازلين وفكس وشويه معجون والبسي شراب واذا قومتي من النوم شوفي كيف تلاقينها رطبه
وكل اسبوع انقعي رجولك في مويه دافيه وملح خشن وخذي الموس ومرريه على رجولك وشوفي الجلد الميت كيف يروح
وبعدها ادهني بكريم للعنايه بكعب القدم واذا ماعندك ادهني بفكس وفازلين والبسي شراب
واخر شئ العنايه ايام الدورة
اول ايام الدورة اشربي قرفه اول ثلاث ايام بس
لانها تبعد الالم وتنزلها
وابعدي عن الاشياء البارده لانها بتعبك وبيكبر البطن معها وانا جربت اذا اكلت شئ بارد بطني على طول يكبر
ولاتمشين وانتي حافيه البسي شراب لانك لازم تدفين وهيا عندك ولاتمشين على البلاط بدون شئ
لانه يسبب في دخول الهوا لرحم
وابعدي عن الاكلات الزجه ايام الدوره لانها تخرب الرحم مثل الباميه والملوخيه والاشياء هذي
واغلسي المنطقه مع كل حمام بمويه دافيه وملح خشن لانه لازم نحافظ على نظافتها ونكثف الاهتمام فيها ايام الدورة
ونغير الفوطه كل ساعتين بالكثثير
وحابه اقولكم اذا حسيتي انك تبين تحكين المنطقه الحساسه غسلي على طول بمويه دافيه مع ملح لانه يدل على وجود التهابات في المنطقه وكمان اذا نزلت لك افرازات وشفتي ان لها لون كذا
هذا دليل على وجود التهاب فلا تهملين نفسك وروحي عند الدكتورة لايتطور مع الوقت ويصير لك شئ في الارحام
وهذا كل الي في راسي الحين
والله انا اول مرا انزل موضوع واكتب فيه بجهد شخصي لكم واتمنى يكون موضوعي اعجبكم واذا اعجبكم قيموني لاتبخلون علي
وادعو ان ربي يوفقني في دراستي وينجحني
اختكم
الدلوعه نونو
ما شاء الله موضوع جميل
رووووعة ماشاء الله علييييك
الله يوفقك ويسعدك ..
عندي سؤال ..
 |
اقتباس |  |
 |
| وكل اسبوع انقعي رجولك في مويه دافيه وملح خشن وخذي الموس ومرريه على رجولك وشوفي الجلد الميت كيف يروح | ||
 |
 |
استغربت هالنقطة !!
ممكن توضحين أكثر ..
قصدك الموس الحلاقة ( الزرقاء ) والا .. الحديدة المستطيلة ؟؟
وشلون اشيل الجلد .. احس يألم 
تقيييم لـ عيوووونك :adore:
بس بغيت اسألك عن الحمام المغربي
متى بديتي تحسين انه وحد لون جسمك ؟؟
وانتي بس تستخدمين الصابون المغربي بعدين تفركينه بالليفه ؟؟ ولاتستخدمين اشياء ثانيه مع الحمام ؟؟
|
اقتباس | |
 |
المشاركة الأساسية كتبها شموخ شمر  |
 |
|
| رووووعة ماشاء الله علييييك الله يوفقك ويسعدك .. عندي سؤال .. استغربت هالنقطة !! تقيييم لـ عيوووونك :adore: |
||
|
|
هذا الموس الي اقصد الي على اليمين فيه حديده من فوق
ولاياقلبي ماتحسين ولا يعور حلو والله
|
اقتباس | |
|
المشاركة الأساسية كتبها al3fryth |
|
|
| يسلموووووووووووو
بس بغيت اسألك عن الحمام المغربي متى بديتي تحسين انه وحد لون جسمك ؟؟ وانتي بس تستخدمين الصابون المغربي بعدين تفركينه بالليفه ؟؟ ولاتستخدمين اشياء ثانيه مع الحمام ؟؟ |
||
|
|
انا استخدم الحمام المغربي من 5 سنوات تقريبا يعني ماتركه ومقدر احدد المده
لا استخدم طريقة الحمام المغربي نفسها انك تاخذين خيمة السونا وتتبخرين فيها عشان المسام تتفتح واذا ماعندك افتحي المويه الحاره في الحمام وااتلاكي جسمك يعرق وتتفتح المسام
وخذي الصابون المغربي وزعيه على جسمك وابدئي افركي بحركات دائريه خمس دقايق على جهة اليمين وخمس دقايق على جهة اليسار
وبعدين روحي تحت المويه وبعديه عن جسمك
وبعدها خذي الطين المغربي وزعيه على جسمك واتركيه ربع ساعه حتى للوجه حلو
وبعدين اغسليه واستخدمي بعدها صابونة الطاؤوس وبعد ماتخلصين تروشي بمويه بارده عشان المسام تتسكر ونعيما
وانا اضيف موية الورد للمويه العاديه الي اشربها ملعقه وحده