هذا أول موضوع ليا في المنتدى بس أنا من أشد المتابعين لقراءة المواضيع المفيدة خصووووصا فيما يتعلق بالبيت وتنظيفه..
المهم
أنا أدرس في الجامعة عندي بنوتة أشيلها معايا كل يوم لحضانة الجامعة
أبغى أطلب منكم طريقة تنظيف شبابيك البيت لأنها كلللللللللللللها ترااااااااااااب
ماما قالتلي جيبي شغالة يوم واحد تنظفلك الشبابيك وتخلصلك شغلك عشان نفسيتك ترتاح
قلت لنفسي انا راح انظفها
بس المشكلة لما جيت أنظف شباك غرفة بنتي ظهري انكسر وأحس اني وسخت الدنيا بدل ما أنظفها (استخدمت المكنسة في التنظيف)
لا والمشكلة أن الشباك صغير عن شبابيك الغرف التانية
والغرف التانية في بعضها بشباكين(طاقتين)
وأنا ماااااا أقدر أنزلها عشان أغسلها لأنها ثقييييلة عليا مرة
على فكرة : الشبابيك اللي عندي ألمنيوم في الأطراف ومن جوا زجاج
وعندي 3 غرف غرفتين فيها شباكين+ وغرفة بشباك واحد+شباك في المطبخ+شباك غرفة بنتي(صغير زي حق الحمامات) +شباكين صغار في الحمامات-أكرمكم الله
يعني 6شبابيك كبار+3 شبابيك صغار
أجيب شغالة؟؟؟؟>>>>> أخاااااااااف منهم
ايش رايكم
اللي عندها طريقة تسهل عليا تنظيفها الله يسعدها ياااارب دنيا وآخرة
ولا أمري لله وأجيب شغالة ليوم واحد تنظفلي هيا
ومشكوووووووورين مقدما
وتغسلهم بالنسبة لحاشية الشباك الالمنيوم عادة في قطعة صغيرة محددة القوام تجي مع المكنسة الكهربائية
خاصة لتنظيف حاشية الشبابيك و تقدرين تنظفينها بها بدون ما يتطاير الغبار
هذي طريقة امي
و الله يعطيج العافية
مرحبا اختي الغاليه
طريقه تنظيف الشباك .. الكبير او درفتين )
طلعي الشباك بره ..
امسكي درفه وحده ( طاقه وحده) من تحت ودفيها على فوق وحاولي وانتي تدفيها تسحبي من تحت على بره لعندك
بعد كذا راح تلاحظي انها طلع معاك من اسفل خذيه بسرعه على الحمام الثاني راح يطلع سهل معاك
علشان لا تتوسخ الارض تراب افرشي اي شي ما تبغيه على الارضيه مثلا ثوب مصري قديم لزوجك ( مدام انتي من المديه راح تعرفي توب مصري ايش 
( يعني جلابيه بيت ولا قميص بيت
الحين جاء وقت الفرك
اغسلي اول شي الطيق بالمويه استخدمي اش .. او الدش وخلي التراب ينزل بالبانيو اوك
بعدين اغسليه بسفنجه وصابون واشطفيه .. ونشفي بمنشفه كبيره ما تبغيها ..
وانتي بتشيليه علشان تطلعيه بره انتبهي حاولي تميليه على احد الزوايا علشان ينزل التراب من الحديد الالمونيوم
بعدين حطيه على جنب في الحمام او بره الحمام بس تكوني فارشه اسفله اي شي علشان لا تنعدم الاضر .. وابدئي غسلي الدرفه الثانيه ..
اتركيه شويه وروحي للطاقه
الحين جيبي القطعه اللي تجي مايله في المكنسه الكهربائيه وراسها زي كذا /
واشفطي التراب
وعلشان تطلعي باقي التراب من بين الاعمده اللي اسفل
استخدمي نكشات الاذن ( اعواد تنظيف الاذن )
او فرشه اسنان قديمه احس مفعولها احلى وارو .. ونظفي
ايه لا تنسي تشيلي التراب من حواف الجداران الطاقه من الخارج ..
بالنسبه للالمونيوم من جوات البيت بمنشقه ولاخرقه وملمع الزجاج ..
بعدين ركبي الطاقه زي ما خرجتيها بنفس الطريقه
دلخيلها من اسفل اول شي ثم ارفعي على فوق ولجوه ادفعيها وخلاص
:
:
ترى انا كنت احسب خروجها صعب .. مع اني كنت اشيلها ببيت اهلي بس بمساعده الماما لان الزجاج مثلج البني وثقيل .. وكنت اخاف اشيل حقت بيتي وتنكسر
بس بيوم خاطرت وجربت وطلعت اخف
وشلتها وانا حامل بعد
بس ما انصحكم بالتجربه لان ما تعورت ساعتها لكن بعدين ما نمت من الم ظهري
ان شاء الله تكوني استفدتي
ادعيلي الله يشفيني ويسخر لي زوجي ويهدي لي سعيد
مودتي
واللي عندها أفكار كمان لا تبخل علينا