بسم الله الرحمن الرحيم
شلونكم بنات شخباركم ؟؟
طبعا موضوعي مبين من عنوانه شلون تنظفين الفواحات اللي نستخدمها دووووووم بالبيت سواء لتعطير الغرف او الحمامات ( اعزكم الله ) او الصاله او حتى المطبخ ..
و طبعا انتوا تعرفون ان الفواحه لها تأثير سحري للمتزوجين و تضفي رومانسيه على الشخص و المكان ..
المهم انا عندي فواحتين دوووووم استخدمهم وحده حاطتها بغرفتي ووحده بالحمام ( اعزكم الله ) بس ساعات انساهم شغالين و ارجع القى الشمعه ذابت و الماي اللي بالفواحه جف و العطر احترق و استوى اسود و لزج و صعب ينزال هذا اذا مانسيته و تذكرته بعد يومين القاه نشف و صار ثابت بالفواحه و ريحته ريه عطر محترقه و صعب استخدمه مره ثانيه ، حاولت انظفه بطرق كثيره مره بشامبو و مره بصابون الغسيل بس ما يطير ذبحني و اخرتها اقوم اخذ السكين و اقعد احك العطر المتيبس بالسكين لين ينزال و هالشي سبب خدوش بالفواحه و تشمخت 
فقلت معليه بتصبر عليها لين تنكسر و بشتري غيرها ههههه المهم ذاك اليوم الشغاله بعد ماغسلت الحمام نست فيها مستحضر غسيل و تنظيف قلت خل اجربه في تنظيف الفواحه و بالفعل من اول ماحطيته و نطرت خمس دقايق اختفت البقعه اليابسه ولا عدت شفتها ..
طبعا اكيد تبون تعرفون اسم المستحضر و طريقه التنظيف يالله حياكم الله ببدأ بالشرح الحين ..
اول شي لازم تتوافر عندكم هالشيئين ..
فرشاه اسنان ..
و مستحضر تنظيف البلاط و الاسطح ( جف JIF ) ..
الطريقة ..
تحطون شوي من جف على البقعه و تخلونها دقيقه او خمس دقايق عقب جيبوا الفرشاة و حكوا فيها الجف اللي على البقعه و بثواني بتختفي و عقب اغسلوه على طول بالماي شي سهل و نظيف و ما يحتاج تعب ..
اتمنى تكون طريقتي عجبتكم و هالطريقة من مجهودي الخاص و مش منقوله و ارجو من كل من يبي ينقلها ينسبها لي و لمنتدى عروس ..
اختكم ..
عطـــــ الليل ـــــر
تسلميين يالغاليه على طرح الطريقه و ما قصرتي ربي يعطيج الف عاااافيه حبوبه و بالفرشاه و جف على طوول الاوسااخ المتراكمه و الجافه تطيير لاني مجربته على كذا شي مشكوووره
تسلمين يا الحلوة على الطريقة العجيبة،، صج عندي فرشاة مخليتها للأزمات انظف فيها ملة الماسك إذا تيبس فيها :$
باقول حق ماماتي والا انا مالي ف الفواحات حدي عطر ومعطر جو هههههههههههه..عقبال ماتنظفين فواحات بيتك حبيبتي..
تستاهلين التقييم حبيبتي بس أنتي وحرماني ودوحانية انتظروا دوركم ماادري ليش مايصير أقيمكم..
الصراحه طريقه سهله وايد وايد
لان فواحتي معدن وتنظيفها استخدم لها مسحه طبيه "مطهر" ويطير العطر المحترق بسرعه
بس طريقتج حلووه ومايبيلها شي
يسلمووو ياقلبي
والله الوم اشوف فواحتي وافكر شلون انظفها….ربي لايحرمني من افكارج ياام الزين…وتستاهلين التقييم
ميلي ..
الله يعافيج و يسلمج يا الغلا اي و الله انا حتى انظف فيه الادراج و الطوفه و الكبت يعني ينظف و يزيل بسرعه و ريحته حلوة خصوصا بالليمون ، و تسلمين على مرورج الحلو يا الحلوة ..
مس قطر ..
هلا و غلا بمسووووو الحلوة ، نورتي الموضوع يا قلبي ، اهم شي اللي مالها بالفواحات يا رب انتي و بنات قطر و بنات المنتدى كلكم ربي يرزكم بالزوج الصالح و ذيك الساعه بتستخدمين الفواحه لوووووول و تسلمين على الدعوه الحلوة يا قلبي و قولي لامج حبوبه و سلمي عليها و اذا على التقييم مب لازم اهم شي مرورج الحلو يا الغلا و ترى يمكن علشان انتي مقيمتنا قريب و التقييم عندنا ماراح لين راح تقدرين ..
بسووووومي ..
الله يسلمج يا قلبي و طريقتج حلوة ماقد جربتها بجربها قريب 
و تسلمين على مرورج الحلو يا احلى بسووووووووووومه نورتي يا قلبي ..
قطريات …
تسلمين يا قلبي على مرورج العطر يا الحلوة ، و يالله قومي نظفي الفواحه و عطري غرفتج يا الغلا و الزين كله ..
تسلمين ويعطيج العااافيه ع الافكاار
حركاااااات يا جف هههه
مشكورة على التجربة الحلوة منج ..
/
::
يعطيتج الف عافيه يا الغلا
/
::
يااااااي موضوع يجنن اي والله عيل اصدقو الدعايات جف يزيل البقع ورواسب الدهون خخخخخخ
ماقدرة اقيمج ياامره
وتسلمين ع الموضوع الحلو