//// طريقة حيل حلوة لوضع كريم الأساس ,, تعالوا اقروا واستفيدوا //// 2024.

بسم الله الرحمن الرحيم

اليوم موضوعي عن طريقة جديدة لوضع كريم الأساس سمعتها من وحدة من الخوات جزاها الله خير

وطبقتها في مناسبة عندنا وطلعت واااااااااو ,,

هذه الأخت هي أختنا البندري جزاها الله خير قبل فترة حضرت دورة عند ماك

عن كيفية وضع الأساس ,, فاستفدت منها ,, وحبيت إنكم تستفيدون مثل ما أنا استفدت ,,

الأدوات المستخدمه هي :

Fix +

Studio Moisture Cream

الطريقة <<< حشا طبخة مو طريقة أساس ,

الخطوة الأولى :

رش بخاخ فكس على وجه نظيف تماماً ,,

وننتظر شوي ليما يجف وبعدين نحط من المرطب Studio Moisture Cream

وبعدين نرش الوجه مرة ثانية ببخاخ فكس ,, وننتظر شوي ليما يجف وبعدين نبلش بالأساس

ونحط الأساس بفرشاة 187 أو باليد , وبعدين إذا تبون تحطون طبقة ثانية أو كونسيلر كيفكم ,

وبعدين وبواسطة فرشاة 187 نوزع البودرة ,,

جربوا هالطريقة والله عجيبة ,

أنا جربتها بس ما كان عندي مرطب ماك ,, فحطيت مرطب كانيبو ,,

والشكر موصول لأختنا الحاضرة الغائبة البندري ,,

هذه طريقة مشابهة تعلمتها أمس من ماكييرة ماك ,,

تعرفون كريم من ماك

هذه صورته ,,

تعرفون هالكريم حيل كثيف ,, صحيح تغطيته عاااااااااالية جداً يغطي كل شي حتى النمش بالوجه , بس عيبه إنه كثيف

وصعب يتوزع ,

طبعاً هي قالت لي الطريقة لما كانت تراويني بودرات ماك الجديدة فقلت لها أنا مو صحبة مع أساسات وبودرات ماك ,

فقالت لي أنا نفس الشي , إلا فل كوفر ,

فقلت لها شلون هذا كثيف وصعب يتوزع على البشرة ,

فقالت شوفي وجهي ولاحظي إنه صافي حتى النمش مختفي ,

فقالت الطريقة ,, سهلة

هي تنظيف الوجه عدل وبعدين رش الوجه ببخاخ فكس , وبعدين توزيع الفل كوفر بواسطة الفرشاة أو الاسفنجة

وراح يتوزع بكل سهولة ,,

أنا عندي سامبل من فل كوفر ,, فجربت الطريقة اليوم ,, والله يا بنات من دون مبالغة حيل حلوة ,,

وقررت أشتري الفل كوفر عن جريب بإذن االله تعالى ,

وممكن نستخدم هالطريقة مع كريمات الأساس االلي قوامها ثقيل مثل المكسيمم كوفر أو الفل كفر أو الدبل وير أو

حتى الكومباكت فاودنديشن ,,

أتمنى أفدتكم حبيباتي ولا تنسوني من دعواتكم الحلوة ,,,