طبعا بعد اختراعات كثيره ..اخيرا اكتشفت الطريقه الفعاله لتخفيف حكة ظهور الشعر بعد الحلاوه..
و يبت لكم الطريقه الاكيده..و بالصور طبعا
و كل الاشياء اللي نحتاجها موجوده في كل مكان و ان شاء الله تستفيدون ويايه
اولا
يوم بتحسين بالحكه بدت..علامة ظهور شعر الجسم بعد الحلاوه…يوم بتسيرين تتسبحين شرات كل يوم…شلي وياج ليفه
و هاي الليفه الموضحه في الصوره..تلقينها كل مكان و رخيصه..و هاي هي اللي انا انصح فيها…لانها تليف عدل
طبعا بللي جسمج و بللي الليفه بالماي الدافي
و بعدين هاتي اي نوع كريم مرطب…بس اللي انا استخدمته و انصح فيه هو هذا الموضه في الصوره
ماركة جست بيوتيفل..انا اشتريته من الجمعيه…و ميزته انه مرطب و ما يجف بسهوله على الجسم..مما يسهل عملية الفرك
و بعدين: اعطيكم مثال على طريقة الفرك
يعني مثلا عندنا الساق: تحطين الكريم بكميه وافره على الساق و بعدين تفركين بالليفه عكس اتجاه الشعر..يعني من تحت لفوووق..بس طبعا تكون الليفه مبلله من قبل عشان ما تجرحج..و تمسكينها بثبات..يعني مب برقه او بشكل خفيف..و الا ما بينفع
و طبعا الاحساس مب مريح جدا خصوصا انج تساعدين الشعر يطلع من تحت الجلد..بس ماعليه المهم تتخلصين من الحكه الفضيعه
و هكذا لباقي انحاء الجسم و خليج رقيقه بالنسبه للمنطقه الحساسه
بعدين خلصي حمامج
و يوم بتطلعين رشي على جسمج بخاخ بيبي جونسون باللوز
هاي صورته
و البسي ثيابج بعد التنشيف الخفيف عشان ما تبقع الملابس من الزيت
و لا تنسين تدعيلي بالتوفيق
ان شاء الله يحوز موضوعي على اعجابكن
بارك الله فيج
جزاج الله خير أختي sticky
ودمتي بخير
أختج الدانه
بجربها إن شاءالله