❀طريقة صينية داود باشا باللحم ❀ 2024.

السلام عليكم ورحمة الله وبركاته

اليوم على العشا حيت نغير الاكل شوي وفتحت كتاب عندي وبحثت فيه لين ما عيوني عورتني :confused:

ونتبهت ل أكله غريبه علي شوي ولاكن احسها مألوفه :!!:

وهي أكله عربيه شبيه ب لحم الكفته مع الصلصه ولاكن باسم

داوود باشا

الصراحه ما اعرف وين اصلها يمكن سوريا أو الاردن أو تركيه أو لبنان الانه مكتوب عليه بــــــا شــــا قلت هذي الاكله تركيه (ذكيه صح) :woo: واحب الاكل التركي بس اذا احد يعرف وين بلاده الاصلي خبروني في ردودكم :biggrin:

و ايضا بحثت له طرق متعدده ولاكن هذي الطريقه السهله من الكتاب الطبخ اللي عندي وحبيت اكتبها لكم عشان تجربونها

مقادير كفتة اللحم

في وعاء كبير نضع

كيلو لحم مفروم ( عشان تعرفون كيف القياس يكون من خلال 500ج هو نص كيلو ف استخدمي 2 500ج من اللحم المفروم

3 ملاعق كبار من الصلصة الطمام

ملح فلفل احمر وفلفل اسود قرفه و كمون ) بقياسي كله ملعفة صغيره

ونخلط عدل

بعدين نشكله الى داوئر بحجم الدرهم يعني لا هو كبير ولا صغير يكون بحجم الوسط
ونقلي كرات للحم ونجعله على جنب
2بطاطا تقطع الى مكعبات
ثم نقلي مكعبات البطاطا ونخلي على جنب

مقادير الصلصة

5 حبات طماط مقطعه
فنجان صنوبر ( على حسب الرغبه )
2بصل ابيض كبير مقطع الى مربعات
1 م صغيره من الثوم المفروم
كاس ماء
ملح و فلفل اسود
1 علبه كبيره صلصلة طماط
1 ماجي بنكهة اللحم

الطريقه

1 – بعد ما قطعنا الطماط نضع في الخلاط مع كاس ماء
2- نقلي البصل والثوم ثم الصنوبر
3- ونضع نضع الطماط ( اللي سوينها في الخلاط)
4- نصع الصلصه ثم البهارات وثم الماجي اللحم
5-نضع المكعبات البطاطا اللي قليناه

اذا حسيتي صارت ثقيلة شوي نضيف كوب ماء

ونجعله يفور نص ساعه الى ربع ساعه

وبعدها نضع كرات اللحم وعلى السريع نرفعه من النار ونغطيه الجدر بالقصدير وندخله الفرن ( اذا حبيتي تضيعنه في صينيه بايركس يكون افضل ونغطيه )

تكون المده داخل الفرن ساعه فقط

تم توضع في صينه التقديم

وبالعافيه :L:

انا احب اكله من غير خبز .. بس مع سلطة ولاكن تقدرو تا كلونه مع الخبز :thumbs_up:

وهذي نتيجه

لا امانع من طباعة الاكله للتطبيق
جميع الحقوق محفوظه لدي @ منتدي عروس