 |
اقتباس |  |
 |
المشاركة الأساسية كتبها أم زايد1 |  |
 |
| السلام عليكم حبيباتي جبت لكم اليوم طريقة عمل المندي طريقة سهله ولذيذه واخذت في الاعداد ساعة ونصف بالتقريب حتى ان زوجي يوم عملت ليه الطبق اكل نصف الصحن
المهم الطريقه انا مابحط مقادير للمندي بخبركم الطريقه مع المقادير لان كل وحده بتعمله على حسب الاشخاص الي عندها في البيت المهم جيبي لحم او دجاج او سمك بعد على كيفك واغسليه زين بالطحين الابيض والليمون والملح عشان الريحة الزفاره وجيبي بصل على كيفك وقطعيه شرائح وبعدين حطي في قدر الضغط بس للحم وجيبي الزيت او الزبده وقلي البصل لحد مايذبل وحطي عليه مكعبين ماجي وجيبي اللحم وحركيه في البصل لحد ماتشوفينه اخذ لون بني اشوي حطي عليه بهارات حب مثل القرفه والهيل والفلفل الاسود والكزبره والكمون وحركيه زين واتركيه اشوي 5دقائق على النار مع تغطيه القدر اشوي عشان ياخذ ريحتة البصل والبهارات وبعدين حطي ماي على كيفك المهم يتغطي اللحم وحطي اشويت ملح بعد واتركي اللحم في قدر الضغط نصف ساعه او ثلث ساعه وبعدين جيبي كركم وليمون واشويت ملح وبهارات مطحونه مثل السابقه الي على شكل حب واخلطيهم مع بعض وجيبي صنية الفرن وحطي اللحم وادهني اللحم بهذه الخلطه من كل الجوانب وحمريه في الفرن في الوقت الي يحمر فيه اللحم جيبي الرز ويكون مغسول ومنقع من قبل وحطيه على مرقة اللحم وانا بصراحة لان زوجي مايحب يشوف البصل والبهارات الحب في الاكل شخلت المرقه وحطيتها على الرز بس ماكثره مرقه لان الرز منقوع من قبل واريده يكون مفلفل بس قبل مااحط المرقه على الرز حطيت اشويت زيت وحطيت الرز وحركته في الزيت اشوي لاحد ماسمعت صوت الرز وهو يطلع صوت وبعد ين حطيت المرقه وتركت الرز لحد مانشف الماء ولم يبقي غير القليل من المرقه جيبت زعفران منقع في ماء او للون البرياني ورشيته على الرز وجيبت للحم ورصيته على الرز في القدر وبعدين جيبت فنجان قهوه وحطيت فيه اشويت زيت واشويه من قشر البصل وحطيته في وسط القدر مع الرز واللحم وكنت حاطه فحمه على النار اخذتها وحطيتها في وسط الفنجان وقفلت على القدر الي فيه اللحم والرز وتركته على نار هادئه لمده 10دقائق وبعدين طلعت الفنجان وتركت الطبخة لمده ربع ساعه قبل مااقدمها وفي النهايه كانت بهذه الصوره وممكن تزيونه بالبصل المقلي والمكسرات بس انا مازينته عشان زوجي مايحب البصل والبهنائي والعافيه وجربوها يابنات وادعو لي وتقبلو تحياتي…
|
||
 |
 |
ان شاءالله يعجبكم بس هذا الطبق كنت منزلته من زمان في منتدى الفراشه بس حبيت انقله هنا للاستفاده …:shy:
وهذه طريقة الصلصه الي تتقدم مع المندي …
طماطم الكميه الي تبينها
ثوم حسب الرغبه
بصل
كزبره
فلفل اخضر حار
ليمون
ملح
الطريقه :-
اذا تبين الصلصه خشنه مثل الي في المطعام فيه الفرامه اليدويه خاصه بفرم البصل والطماطم تحصلينها في محل الاواني ب5 ريال او 10ريال..تفرمين البصل والطماطم والثوم والفلفل والكزبره فيها وتتبيلينه في الاخير بالملح والليمون..
وممكن بعد فيه مكاينه ملوينكس الي تضغطين عليها وتقطع هذه الاشياء تقطيع..
بس انا بصراحة احط كل هذه الاشياء في خلاطه العصير واخلطه وبعدين اتبله بالليمون والملح..
ان شاءالله اكون افدتكم…
يعطيك العافيه ياعسل
❤ اللهم اجعلني ممن توكل عليك فكفيتهـ و استهداك فهديتهـ واستنصرك فنصرتهـ ❤
|
اقتباس | |
|
المشاركة الأساسية كتبها Habii | |
|
| يعطيك العافيه ياعسل | ||
|
|
الله يعافيكي ياقلبي وياهلا ومرحبا..
|
اقتباس | |
|
المشاركة الأساسية كتبها bentqatar | |
|
| واااو روعة يعطيج العافية .. | ||
|
|
الله يعافيكي ياقلبي وياهلا ومرحبا :shy: :salam:
::
أختي الغالية
أم زايد1
::
وصفة روعة ومميزة
تسلم ايدينك يا اختي
بانتظار القادم
::
لك كل تقدير
::
القلــღ الحنون ღ ــب
:
فلنعاهد ربنا عهدا وثيقا … أن نلبي ان دعا داعي الأخاء
يا أخيه اليوم نمضي وعزائي… أن شمس البين تطوى باللقاء
:
أختي الحبيبة (( مشاعر قلب )) الله يرجعك بالسلامة
رووعه[/SIZE