لاني لاحظت اتكرر السؤال كذا مرة
فقولت بدل ما اجاوب بمشاركة اضعه في موضوع افضل لسهولة الوصول إليه
يا رب يكون الشرح وافي
إما بتشتري النخاع جاهز من عند الجزار أو بتجيبي العضم جواه النخاع برضه من عند الجزار
(إستخراج النخاع من العضم)
لو النخاع في العضم/ بتسخني الفرن تحميه وبعدين تهدي النار خالص
تحطي العضم في صينية وبعدين 5 دقايق تخلي النارمتوسطة بس اقل من المتوسط شوية
اول ما تلاقي العضم بقى لونها زي الرمادي كده او نشفت ونزلت منها زيت النخاع طلعيه من الفرن
اخبطي العضمة خبط خفيف في الصينية بحيث تدقيه عشان تنزلي منه النخاع
لو النخاع منزلش كله يبقىمحتاج يرجع تاني للفرن
شيلي الزيت والنخاع من الصينية ورجعي العضم تاني في الفرن لحد ما النخاع ترجعي تخبطيه تاني ينزل من العضم من جوه.
تمام دي طريقة استخراجه من العضم
سواء كان النخاع اشتريتيه طبعا من الجزار جاهز او استخرجتيه من العضم في البيت بنفسك
تتبعي الطريقة التالية
بتحطي النخاع على حمام بخار لحد ما النخاع يسيح خااالص والزيت ينزل منه.
بتشيلي النخاع في برطمان هو والزيت اللي ينزل منه مترميش حاجة.
بالنسبة للشعر الدهني او العادي بتستعملي معلقة كبيرة
وبالنسبة للشعر الجاف بتستعملي ملعقتين كبار
النسبة دي انا قريتها،،، لكن قرأت مرة لكورس لدينا الجازم مأكتبش فيه بصراحة المعايير دي
على العموم هي الفكرة بس ان الشعر الدهني حيبقى مليان دهون اوي وحتتعب صاحبة الشعر الدهني اوووووي في غسله
فهي تحاول تعمل كمية مناسبة عشان تقلل من نسبة الدهون دي
+
ملعقة كبيرة عسل نحل
+
زيت عطري أو اي زيت انتي تستعمليه وقريت انه ممكن زيت درة
+
(بالنسبة للشعر الجاف )
صفار بيضة
تخلط كل المكونات دي كويس ويدهني بيها اولا فروة الراس والباقي تحاولي توزعيه بالتساوي على باقي الشعر
مش لازم كل الشعر يتغطى بيه اهم حاجة الفروة ولو تحاولي تراعي الاطراف شوية
تعملي حمام بخار للشعر بحيث تحطي فوطة سخنة على الشعر كرريها اكتر من مرة
وبعدين غطي الشعر ببونيه بلاستيك للحفاظ على السخونية وتفتيح المسامات
وتعمليه وتنامي بيه،، او يترك على الشعر لمدة من 4 إلى 6 ساعات
تزال الدهون بالماء أكثر من مرة ثم يغسل الشعر بالشامبو المستخدم لديكي
ودي خطوة ضرورية تضيفي 1 ملعقة خل التفاح إلى لتر ماء دافئ ويشطف به الشعر
ويعمل غسول للشعر مكون من
(50 جم عشب زعتر ناشف + 750 جم ماء)
يغلى الماء ويصب على العشب ثم يصفى ويشطف بيه الشعر في اخر غسلة
ويعمل حمام النخاع ده مرة في الاسبوع
وبإذن الله حتلاقي تحسن ملحوظ في الشعر خلال شهر بالضبط
يعني بعد اربع مرات بإذن الرحمن
وأهم حاجة التسمية (بأسم الله الشافي المعافي) يا بنات قبل أي حاجة
ميرسى ياقمر و ان شاء الله اجربه
 |
اقتباس |  |
 |
المشاركة الأساسية كتبها الحب هو الحياة  |
 |
 |
| ميرسى ياقمر و ان شاء الله اجربه | ||
 |
 |
إن شاء الله تستفيدي باذن الله
|
اقتباس | |
|
المشاركة الأساسية كتبها هروب |
|
|
| شكرا حبيبتي انا اول مره اسم عن حمام النخاع للشعر؟ بس شو فايدته؟ | ||
|
|
وبصي لو حابة تعرفي فوايده بالضبط ده موضوع لـ Stacy
ونورتي
اللهمـ إني أستـودعـك نفســي فلا تجعلنـي أخطــو خطوةً في غير مرضــاتك .. اللهمـ إني أستـودعـك أحبتـي فاحفظهـمـ من بعـدي
اللهم رضنى بقضاؤك وبارك لى فى قدرك حتى لا احب تاجيل ما عجلته ولا تعجيل ما اخرته
ربنا اتنا فى الدنيا حسنة وفى الاخرة حسنة وقنا غذاب النار
ربى انى ظلمت نفسى ظلما كثيرا فاغفر لى فإنه لا يغفر الذنوب الا انت
لا أله إلا أنت سبحانك إنى كنت من الظالمين
شكله حلو موووووووت…بس ريحته على الشعر ايه؟؟؟حاسه ان بطني هتوجعني…ماما مش راضيه تجيبه عشان خايفة من ريحته………….
ولما بيتغسل ريحته مش بتثبت في الشعر؟؟؟؟؟؟