زمان الاهتمام بتقديم الشبكة كان بيقتصر على إن حد من أهل العروسة يشيل العلبة اللي فيها الشبكة ويبدأ يلف على المعازيم علشان يتفرجوا عليها… وبعدين الموضوع تطور شوية وبقت الشبكة بتتقدم على صينية وبرضه حد يلف بيها على الناس، وبعدين الموضع بقى شكله أفضل شوية والناس بقت تفرش الصينية بالورود أو بمفرش شيك… لكن دلوقت بقى فيه أهتمام أكتر بالموضوع ده. عشان كده ظهر مؤخراً حاجة ماكناش بنشوفها إلا في الأفلام الأجنبي… عبارة عن مخدة متزينة بأشكال مختلفة وبيتربط فيها الدبلتين وبيتعلق عليها باقي الشبكة…
وتصميم المخدة دي مش صعب لأنك ممكن تنفذيها بنفسك والموضوع مش مكلف ولا حاجة..
ببساطة شديدة تجيبي قماش ساتان وتتنيه نصين..
وبعدين تقصي القماش وهو متني على شكل مربع أو على شكل قلب زي ما إنت عايزة..
وطبعاً بعد ما تقصي هيبقى عندك قطعتين قماش في نفس الحجم والشكل بالظبط..
تبدئي بقى دلوقتي في الخياطة… وعلشان تخيطي صح يبقى لازم تخيطي القماش على ضهره يعني تحطي وش القماش على بعضه وتبدئي الخياطة على الأطراف، بس تسيبي مسافة بسيطة على الطرف علشان الخياطة تبقى أقوى..
بعد ما تخلصي الخياطة تقلبي القماش على وشه وبكده يبقى عندك مخدة تحشيها بقى أي حاجة عندك.. يعني قصاقيص قماش قديم، إسفنج، شوية قطن من أي صيدلية.. مفيش مشكلة..
ونيجي دلوقت لأهم نقطة وهي ازاي تزيني المخدة.. مبدئياً فيه حاجات ممكن تستعيني بيها زي شرايط الساتان.. وقماش التل… والورد الساتان –ده بيكون جاهز عند الخردواتي- يعني بلاش تحيري نفسك وتعالي اتفرجي على المجموعة دي وابدئي نفذيها وأي حاجة هتشوفيها هتلاقي زيها عند الخردواتي إن شاء الله بس المهم مايكونش خردواتي أي كلام..
اتمنى انها تكون سهلة
شكرا لك و الله يعطيكي العافيه
ننتظر افكارج الجديدة
اختج
#رومانسية#
والله يعطيك العافيه
تقبلي تحياااتي
فكرة حلوة وسهلة
تسلم الأيادي
ميرسىىىىىىىى
لكن الصور ما طلعت عندي
بس للاسف ما طلعت الصور عندي
يسلمووووو