من زمان ودي أطرح هاموضوع.. بس الكسل و الثقل لاعب فيني…:thumbs_down:
هاللوكين استخدمت فيهم أساسين و طريقتين مختلفين و جديدين علي.. و الاثنين طلعوا يهبلوا .. و نتائجهم كانت ممتازة…:thumbs_up:
طبعا واحد فيهم استخدمته في ملكة .. و الثاني في عرس..
ما راح أحط اللوك بالكامل.. فقط الأساس…و طريقة توزيعه..و أدواته طبعا…
__________________________________________________ ___
اللوك الأول :
استخدمت فيه أساس بوبي براون الستيك.. طبعا اللي عندي في باليته كانت اصدار محدود.. ما أدري اذا يجي بعده في باليته أو لا.. بس ممكن تاخذونه عادي بستيك..
هذا اللي عندي…
و هذا الأصلي..
أنا استخدمت درجتين من الأساس.. الفاتح رقم 4.. و الثاني 4.5 لزوم الكونتور.. أو تحديد و نحت الوجه.. طبعا هالخطوة ما تبين الا باستخدام اضاءة التصوير و في الصور… تعطي شكل و لون رهيب للوجه…
"""""""""""""""""""""""""""""""
طبعا أول خطوة.. تحضير البشرة..
تكون نظيفة و المسام مسكرة بالتونر..ورشيت رشتين من الفكس من ماك.. تركته ليما نشف..
أحط المرطب اليومي مالي سواء مل البشرة أو مل العيون..و بعد ما ينشف.. ضروري ينشف عشان ما يتكتل عليج الأساس أو تطلعلج قشور بأماكن ما تشربت المرطب…أحط البيس مالي.. هني أنا استخدمت بيس من غرلاين… رهيب و يعطي اشراقة و رونق حلو للبشرة.. غير ريحته اللي تهبل…
و مرة ثانية .. حطي بشرتج كم دقيقة عشان تتفاعل مع البيس….<<عشى تجربة كيميائية…خخخخخ
نوزع الكوركتور مل بوبي براون على الهالات السوده… و ندمجه عدل..
و بعدين نوزع الكونسيلر.. نفس الشي من بوبي براون..
الكوركتور و الكونسيلر اثنيبهم نوزعهم بفرشاة رقم 242 من ماك..
و اخر خطوة من أساسيات العين .. ناخذ بودرة بوبي براون الحرة و بالاسفنجة نطبطب شوي شوي على الكونسيلر ليما يتجانس معاه…
نجي لأساس الوجه …ناخذ هالفرشاة الخاصة بتوزيع كريم الأساس من بوبي براون..
ناخذ من أساس بوبي براون المضغوط اللون الفاتح …اللي حطيت صورته بالأول..على الوجه كامل…
ننظف الفرشاة.. و بعدين ناخذ من الأساس الغامق و نوزعه على أماكن معينه.. مثل تحت عظام الخدين.. الذقن ..خط الشعر على الجبهة…حواف الأنف..نوزع غلى الأماكن اللي بالبني في الصورة<<< تراني ميح في الفوتوشوب
ناخذ فرشاه 187 من ماك.. ندمج الأساس بحركة دائرية.. ليما تختفي الخطوط..و يبين متجانس..
أخر خطوة .. ناخذ بودرة بوبي براون الحرة و نطبطب على الأساس بالاسفنجة هذي.. شوي شوي..بتنبهرين بالنتيجة..
و بعدين كملي مكياجج عادي…..
__________________________________________________
اللوك الثاني :
استخدما فيه أساس غرلاين اكستريم الجديد.. مع الدايموند كريم من ميكب فور ايفر..
التحضير كان نفس الشي مثل اللوك الأول.. تسكير المسام و رش الفكس.. و توزيع مرطب العين و الوجه.. و نفس الخطوات لكونسيلر العيون…و توزيع نفس البيس..
بعدين تاخذين أساس غرلاين اكستريم.. في اضاءة و توزيعه مخملي رهييييييييييب..
أنا وزعنه بأصابع ايدي..بعد ما خلطت كم نقطة منه مع نقطتين من الدايموند كريم.. يعني تقدري تقولي .. نصف كميه الأساس..
يعني نقطه دايموند كريم مع نقطتين من الأساس..
طبعا ما ننسى نجانس الأساس بفرشاة 187 من ماك مثل اللوك الأول
بعد التوزيع… أخذت البودرة الحلوة هذي من غرلاين…رهييبة هالبودرة..بالاسفنجة بالطبطبة الخفيفة على مهلك..ما
صورتها الاسفنجة.. بس اللي تجي معاها رهيبة…و مرة ثانية.. كملي مكياجج عادي…
__________________________________________________ __
و ان شاء الله يكون الموضوع عجبكم.. و حبيتوه..
و ما أبي غير دعوات حلوة منكم…
F
:
F: الله يوفقج و يعطيج العافيه اختي
مشكـــــــــــــــــــــــوره يا الغاليه
مشكورررررة وماقصرتي
مشكوووره
يعطيك العافيه
يعطيك العافيه
تم التقييم ..
يعطيج ربي العافية
يسلمو..
يسلمووووووو
يعطيك العافيه
شرح وافي
سلمت الأنامل
تم التقييم ..
يعطيك ربي العافية أنا جربت نفس أساس من جيرلان روووووووووعة