||*~ طريقتي في العناية بالبشره الجافه ~ نتايج رهيبه بشره روعه بالميك اب وبدونه ~*|| 2024.

اشحاالكم يا بنااات ,,

بخبركم قصة بشرتي وكيف اعتني فييها وبعطيكم نصاايح مجربه وان شاءالله تستفييدوون منها

الله يسلمكم يا حلوااات ,, انا بشرتي مختلطه على الانف والجبهه دهنييه ووباقي الويه جااااف

وطبيعتها الحمدالله صاافيه مب من النوع اللي اتطلع حبوب الا وقت الدوره وعلى حسب النفسيه

لما كنت ف المتوسطه يعني تقريبا بعمر 12 سنه كانت تطلع لي حبوب في جبهتي وماكانت تخف ابدا مع اني استخدم غسولات وانظفها بس مافااد ولانه قذلتي قصيره ودايما نازله ع جبهتي ف مافيه تهويه ومع الحر والجراثيم تزيد المشكله ,, غير جذي فيه شعر خفيف بالجبهه

كيف تخلصت من المشكله >> عقب ماكبرت شوي قمت افرق قذلتي على جنب واطولها
وبعدين بديت اشيل الشعر اللي بجبهتي ,, والحمدالله انتهت المشكله والحيين صافيه ولا كانه بيوم انت تطلع حبوب بهالمنطقه

عقب سنتين تقريبا طلعت لي حبوب على جوانب الخد ,, يعني صوب الاذن وكان وااااايد
واستخدمت غسولات بعد وكريمات ومافي فايده ابدا وتعبت نفسييا ,, بس عقب من الله خفت الحبووب واختفت ولا كانه فيه شي ,, هذي فترات تمر عالبشره بسبة النفسيه او الجو وترووح بروحها لانه البشره طبيعتها ماتطلع حبووب

انزييين والحين الحمدالله بشرتي صفيه اللهم تطلع لي حبه او بتين كل شهر عشان الدوره وترووح بس يبقى اثرها ,,

ومن فتره انترس ويهي حبوووووب والكل مستغرب لييش ,, وكان عندي اضطراب بالدوره ورحت عالجت المشكله والحين ماتطلع لي حبوب بس باقي اثرها وقاعده اعالجها وراح منها تقريبا 50%

انزيين يا بنااات اللي ابغيي اوصله لكم عقب هالمقدمه كلها :

لا تتضايقين وايد اذا طلعت لج حبوب بويهج كل ماطنشتي السالفه كل ما الحبوب خفت ,, انا الحبوب ماعالجتها الكريمات والغسولات بس طنشت السالفه ومع الاهتمام طبعا ف راحت وخفت ,,

انزييين الحين بخبركم ططريقتي اللي اسويها كل اسبووع تقريبا او كل اسبوعيين

تخلي الويه رووووووعه ناعم وتخفف من اثار الحبوب مع الوقت وتنوره ,, وحتى لما بتحطين مكياج بتلاحظين الفرق

وهذي الطريقه تنفع للي بشرتها جااااافه لين عاديه

اوول شي شيلي الشعر اللي بالوييه ,, انا اشقر ويهي كامل كل كم شهر ,,

عقب مااخذ شور ,, اسوي سكراب لويهي ورقبتي ( زيت زيتون وسكر ) احسن واقوى سكراااب
طبييعي ومايضر البشره ويصقلها ويشيل الرواسب وكل شي والزيت ينعمها ويطريها ( لام الويه مايكون مليان حب شباب لانه السكراب يهيج الحبوب اما الاثار احسن شي لها )

اذا بشرتج جافه استخدمي زيت الزيتون ~ اما اذا كانت دهنيه استبدلي الزيت بالليمون

افركي البشره زيين مازييين

عقب اغسلها واخلي الزيت عليها بتحسين انه الويه ثقيل ومو نظيف لانه عليه طبقه الزيت ~ ماعليه خليه ولاتمسحينه لانه يطري البشره

بعدين سوي ماسك ( روب + عصري عليه برتقال + عسل + ماي ورد لو تبين )

البرتقال والليمون فيهم فيتامين سي وهذا الفيتامين يغذي الويه ويفتح اللون

وحطيه ع ويهج وحوالين العيون الين ماتحسينه نشف تقريبا نص ساعه وعقب غسليه

الروب يا بنات يفتح الويه ويمتص الدهون والشوائب اللي بالمسامات حتى عقب ماتغسلينه بتحسين انه الدهن راح

الحين شو بنسووي ,, انا استخدم ميلك وتونر من لوريال للبشره الجافه رووووووعه

والميلك احسن شي للجفاف لانه يرطب البشره ولااننسى انه البشره الجافه تتجعد بسرعه ف لاازم ترطيب على طوووول

افرك ويهي بالميلك زين مازيين وعقب امسحه بالقطنه

واخذ تونر لوريال ( خفيف ومايحرق نفس الاسكانول ) وامسح ويهي كاامل

الحين بتحسن انه ويهج ملبد او ملزق شوي بسبة الكريماات

الحين اخذ بخاخ ماي ورد بااااارد وارشه ع ويهي كااامل واخليه دقييقه عقب انشفه بكلينكس

وبعدين شويه كريم مرطب او كريم الليل لاني اسوي هالخطوات قبل الرقااد واحطه ع ويهي

وعقب احط راسي وانااام

والله يا بنااات البشره ترتااااااااااااااااااااااااااااح والصبح لما تقومين الويه منوور حتى ماودج تحطين شي عليه ,, واذا حطيتي بودره او كريم اساس تصير البشره بيرفكت ورووووعه

كل شي كتبته مجررررب

ملاحظة : سكراب السكر والزيت مره بالاسبوع بس وخلوا البشره ترتاح بدون اي سكراب كم يوم لانه يضرها كثر التقشير ..

ومع الاستمرااار على هالطرييقه الااثار بتخف مره بعد مره

واهم شي شربوا ماي واااايد عشان ينظف الجسم من السمووم ويروي البشره

وريحوا باااالكم بلا تفكيير بلا همووووم الوااحد اهم شي صحته وبالذات احنا البنات جمالنا لازم نعتني فيه ونحافظ عليييه

والطريقة ماتااخذ منكم واايد نص سااعه بالكثيييير لاتتكاسلووون لانه النتيجه وايد بتعجبكم

واي سؤال من عيوووووني يا حلوييين