كيفكم امهااات؟؟
مثل ماهو مبين انه بنتي عمرها 10 شهور ..
اكيد بتقولون 10 شهور بتعلميها الكلام من الحين…
باقول لكم السبب..
اهل زوجي عندهم مثل صعوبه في النطق وراثه..
يعني عندي 2 من حمياني يوصل عمرها الى 10 وهم بعد كلامهم مش كويس وحروف كثيره ماينطقوها عددل…
واولاد حميي واحد في صف ثاني ابتدائي والثاني عمره 3 سنوات ونص وهم كلامهم ماينفهم ابداااااااااااا حتى امهم وابوهم مايفهموا لهم…
<<<< بس الحمد لله زوجي نطقه كووووووووووووووووووويس… 
عشان كذا انا اهتمين وااااااااايد في هالموضوع وسويت بحث في النت وشريت كتب بس عشان كذااا…
وسويت لسته الى النقاط اللي حسيتها مهمه وكاني صار لي شهرين 3 شهور وانا اطبقها على بنتي….
ياالله نبدأ على بركة الله…
*اكلمها بستمرار…
وش ماكنت اسوي ,,اطبخ اكلها او اغير حفاضها اكلمها واوصف لها اللي قاعده اسويه…
- اعطيها فرصه لكي يستجيب…
المحادثه عمليه تحتاج الى اتجاهين عشان كذا لازم تذكري انج تتوقفي شوي وتنطري يرد عليج…
*اجعل كلامي بسيط..
لما تجين تكلمينه حاولي تستخدمين جمل قصيره وبسيكه ,,وحاولي كمان تتكلمي شوي شوي ولاتسرعين في الكلام,, لانه محتاج لشويه وقت عشان يستوعب الكلام..
- استخدم التعبير والتشديد…
بهالطريقه هذي راح تلفتي اتباهه بقوووووووه خاصه اذا بالغتي في التعبير,,يعني اذا عمل شي غلط خلي تعابير وجهك انك معصبه واذا عمل شي كويس خلي تعابير وجهك انك فرحانه…
- استخدم نفس الكلمه…
يعني مو كل مره تأشري على الشي وتقولين له كلمه غير خلي الى كل شي كلمه معينه…
*اساعدها على الاستماع..
حاولي تخففين الاصوات اللي حوالي الطفل عشان يقدر يسمع كلامكومايتشوووش..
- اساير اهتماماته..
لما تشوفي طفلج يناظر في شي او يأشر على شي قولي له شنو اهو,, في هذا السن ينبهر الطفل بأشياء واايد من حياتنا اليوميه..
*اعيد كلاماتها بشكل صحيح…
اذا بدأ ينطق مثل ((اوزه)) يعني((موزه))اعطيه ثقه في نفسه وقولي له تبي موزه او كاهي الموزه..
ولا تقولي له بنفس اللي يقوله وتقولي له اوزه..
لانها غلطه كبيرررره..
*نلعب معا
حاولي وانتي تلعبي معاه او تغيري له او تأكلينه تغني له هذا الشي راح يعطيك طفلج قدر كبير من المرح…
- الكتب الاولى..
اشتري له كتب واقريها له قبل ماينام اوحتى في النهار حتى لو كان صغير ومايفهم صدقيني هذي الحركه راح تنمي فكره وخياله..
طيب نجي الى كيفيه اختيار الكتب..
1/ اختاري الكتب اللي تكون من ورق مقوى المتين عشان يتحمل العض والرمي والتمزيق..
وفي كتب بلاستيكيه مفيدددده وااااايد الى الحمام..
2/تكون صور الكتاب كبيره وواضحه والوانها زاااهيه..
3/ تكون صوره واقعيه يسهل عليه يميزها ..
4/كتب تساعد في تعليم تقليد اصوات الحيوانات..
5/ كتب الاغاني البسيطه او اللي تحتوي على كلمه واحده في كل صفحه..
6/ الكتب المستخدمه لانشطه معينه كأن يكون فيها اجزاء مختلف الملمس او اللتي تشجع على الالعاب كالعبه اختفاء او مفاجأه…
وهذي لولو وهي تكلم بجوال ابوهاااااا…
امهاااااااااااااات…
نرى واللــــــــــــــه الموضوع مجهودي الخاص,,,وانكسر ظهري واني اكتب….
يعني ماراح اسامح ولا احلل اللي بتنقل موضوعي بدون ذكر اسمي والمصدر اللي هو عـــــــــــــروس…
وووووووووووو هالله هالله باردوووووود,,, والتقيييييييييييييييم..
ماااا شاااء الله
موضوع حلو ينم عن أم مثالية
ان شاء الله بحااول اطبقه على ولدي
الله يخليلج بنتج ويبلغج فيها يا رب
لكن سبحان الله الطفل من يكون عنده استعداد للنطق على طول يبتدي يتكلم
وتكلمت على طول جمل وعبارات واضحه بعض الشيء ومع التكرار تحسن نطقها
موضوعك مفيد وتستحقي التقيم
الله يخلي لولو صايره قمر الله يحفظها محلوه كثير
موضوعك اعجبني وجا عالوتر الحساس لاني ابغى اساعد بنتي تتكلم بسرعه
وفعلا استفدت من موضوعك
ولولوووووووووووو يا حلوهاااااااااااااااااااااا
ماشاء الله تبارك الرحمن ربي يحفظهاااا
حصنيهاااا
ربي يحفظها لكي
بنتج بسم الله عليها تدش القلب الله يحفظها لكم
حبيتها .. ابا اخطبها لولدي خخخخخخ
فديتها الله يحفظها لكم وتشوفنها عروس ويرزقني ببنت امورة مثلها
كلامج مظبوط 100% .. الام الي تكلم طفلها من يوم هو في اللفة ينطق اسرع من الي ما تتكلم امه وياه
يعني تسولف وياه وتلاعبة وتكلمه وهو يتجاوب معاها بأصوات مختلفة يتكلم اسرع
تسلمين ياقلبي … وتستاهلين التقييم لعيون لولو الحلوة
كلام سليم والتكرار يعلم الشطار كل ماتكلمتي معاها اكثر كلما تكلمت اسرع وفيه معلومة حبيت اضيفها
ان الام اللي تتكلم مع طفلها كثير يقوم طفلها يخزن المعلومات في عقله الباطن ويستخدمها وقت الحاجة
يعني علمتيها كلمت موزة وجيتي بتأكليها اسأليها وشوو ذا؟؟ راح تلاقيها ابتسمت وتتكلم كلمات ماتنفهم بس المهم انها تعرفت عليها وكرريها لها ولاتنسي تطبعي قبله على خدها الحلو
ماشاء الله لولو كبرت الله يحميها ويحفظها
مشكورة نبوعة على الموضوع وتستاهلي التقييم
كلامك سليم وصحيح مليون بالمية وتستاهلي التميز والتقييم يعطيكي الف عافية يارب