البارحه كنت قاعده مع بنتي فاطمه (أربع سنوات ونص) أفهمها شبتسوي إذا راحت المدرسة (شهر 9 السنه هذي بتدخل المدرسة صف أول ابتدائي) ..فما لقيت إلا إني أرسم لها علشان تقدر تستوعب أكثر ..وهذي طريقه حلوه وشيقه في إيصال المعلومه للطفل..
تابعوا الأرقام اللي في الرسمه:
1- أنا وإنتي بنركب السياره علشان نروح المدرسة.
2- بنمر على شوق (لأنها في نفس مدرسة فاطمه وبيتها جنب بيتنا)..<<–شوق صديقتها وعمتها وأكبر منها بسنه ونص..
3-أنزلكم المدرسه وكل وحده تروح صفها يعني شوق مابتكون معاج في صف واحده لأنها اكبر منج..
4-راح تجي كل معلمه وتدرسكم حساب,لغه عربيه,لغه انجليزيه ,علوم,شرعيه ,جغرافيا,رسم,ورياضه.
5-بيطق جرس الفسحه.
6- بتطلعون فالساحه وكل وحده معاها فلوسها تشتريلها سندويش وعصير
7-تلعبون فتاحي يا ورده (ههههه لعبتنا يوم كنا صغار).
8-بيطق الجرس مره ثانيه وترجعون لصفكم ويدرسونكم مره ثانيه.
9- امر عليكم وتركبون السياره.
10- انزل شوق بيتهم .
11-واحنا نروح بيتنا..((وطبعا شرحت لها الباقي بالكلام ..والمره الجايه اشرح لها بالرسم)).
ماتتخيلون اشكثر حبت المدرسه وودها تروح اليوم قبل باجر ..وأكثر شي حبته مريول المدرسه ..لأنها اهنيه في روضه امريكيه ويلبسون لبس عادي ..فهي مستانسه ان كل اليهال بيلبسون نفس الشي هههههههههه.
ومانامت فليل سندرتني كل شوي تسألني عن المدرسه ..
وهذي طريقه أنصح فيها الأمهات في سرد القصص ..
انشالله يعجبكم الموضوع وتستفيدون منه..
انتظر ردودكم ..
انا ولدي يطلب مني هالطريقة في سرد القصص ع طول يقول لي ماما رسكي لي وقولي لي شنو يسووون
ما شاء الله عليك
فعلا طريقة روعة
الله يحفظك لاولادك و لزوجك امين
مشكووره
ومع اني مابعرف ارسم بس مو مشكلة منشخبط هههه
مشكووورة
كنت استخدم بعد طريقة القص واللزق في لوحه كبيره لبنتي يوم كان عمرها 3 ..واعلقها في غرفتها في مستوى نظرها (بس كانت طريقه صعبه شوي ) الرسم اسهل لي
احسنت يا أختي فموضوعك جد مهم
ويارب تستفيد كل أم
ودعيلي اتزوج ويكون عند ولد اعلمه بنفس طريقتك 😉
ويرزقج بالذريه الصالحه ان شاء الله
تسلم الايادي.. وربي يهدي فطومة الحلوة وتحب المدرسة