عزيزاتي اليوم حبيت أستعرض معكن طريقتي لعمل مقلقل اللحم(( الضاني)) يعني لحم الخروف لأني أكره لحم الماعز والبقر والجمال:angry: بإختصار أكره كل اللحوم عدا الضأن والدجاج
المهم أكيد لكل إمرأة طريقتها بالطبخ عشان كذا فكرت أشارك بطريقتي معكن منها أفيد البنوتات اللي دوبهن يتعلمن :shy: الطبخ وأستفيد من الخبيرات المتمرسات بأمور الطبخ لو عندهن ملاحظات على طريقتي ينصحوني (( مو معنى كذا تكسرون قلبي وتحشون فيني ترى ببكي:cry: ))
أول شيء تقطعين اللحم بالحجم المناسب اللي تبينه
تجهزين القدر اللي راح تطبخين فيه ويفضل إنه يكون تيفال أو أستيل ستيل أو إي قدر عادي بغطاء مناسب للطبخ وتختارين حجمه مناسب مع مقدار اللحم اللي راح تطبخيه
بعدها تقطعين بالقدر (( بصل + ربع فلفلة رومي + ثوم لو حبيتي أو يمكن الإستغناء عنه ))
شوي زيت يكفي إن المقادير تتحمر بدون ما تحترق وما يكون كثير لأن اللحم أصلاً غني بالدهن
بعد ما يتحمر البصل تضعين اللحم عليه وتقلبينه شوي وتوطين النار للآخر وتخليها حتى تطلع مرقة اللحم بدون إضافة الماء
الحين قطعي طماطم حسب كمية اللحم اللي مسويته وأضيفيها للحم بدون إضافة الماء والنار لسى هادئة:smile: (( أنا أقطع بندورة متوسطة لأني أسوي مقلقل لثلاث أشخاص فقط ))
بعد ما تحسين اللحم خلاص نزل مرقته كلها ولونه تغير وصار كأنه مستوي والطماطم ذابت تضيفين الماء بس مو كثير أنا أصب موية لحد ما يتغطى اللحم تقريباً فقط لأن كثر الماء يقلل النكهة:no:
بعدها تحطين الملح حسب الرغبة بس الأفضل ما تكثرين ملح عشان ما تنزعين الطبخة حطي شوي ولما يقرب يخلص ذوقي إذا الملح ناقص زيدي أحسن ما يجي كثير وبعدها ما تقدرين تخففينه (( لا تقولين عادي بحط بطاطس تسحب الملح الزايد:down: )) + أضيفي البهارات اللي تحبين + شوي معجون طماطم عشان اللون .
حركي اللحم وغطي وخليه على نار هادئه حتى ينضج (( صحيح لأن النار هادئه بيأخذ وقت حتى يخلص أنا أحيان أخليه عالنار 45 إلى ساعة ـ حسب كبر سن الذبيحة:pain: ـ بس أحسن لأن النار الهادئة ما تحتاج موية كثير للأكل عشان كذا يحتفظ بنكهته والكل عارف إن كل مانزيد موية للطبخه يقل مذاقها اللذيذ))
إذا قربت اللحمة تنضج قطعي شوي كزبرة + بقدونس وجهزيها بصحن صغير
الحين أستوت اللحمة ذوقيها إذا تحتاج زيادة ملح أو بهارات زيدي ــ أضيفي لها البقدونس والكزبرة وهي لسى بالقدر وحركيها مع بعض
بعدها جهزي صحن التقديم وضعي المقدار اللي تبينه وزينيها
قدميها حارة مع الخبز وبالهناء والعافية
للأسف كان عندنا ضيف:sad: وسويتها بقدر الضغط عشان تخلص بسرعة ما طلعت مرقتها مركزة وحلوة زي لما تكون بالقدر العادي وكمان ما كثرت معجون طماطم عشانه :qaq: ..بس إن شاء الله تعجبكن
اكيد بتعجبنا
الصور لذيييييييييذه كيف الطعم اجل؟؟
يعطيك العااافيه
هلا والله مشكورات عالمرور :salam:
لأني حطيت ببالي إصوره وأضيفه للمنتدى:shy: ما طلع حلو زي كل مرة 🙁
يعطيش الف عافية يالغالية
اكيد راح اسويه حق البيت…
تسلمين حبيبتي شكله جناااااان…
اكيد راح اسويه حق البيت…
شكلها زاكي