السلام عليكم …
شخباركم جميعا ً ان شاء الله طيبين …
……………….
ملاحظة : حجم القالب كبير وغزير … مقاديري صارت دبل عن المعتاد بالمنتديات :biggrin:
المقادير :
الطبقة الاولى :
بسكويت مطحون وزبدة
كيكة جاهزة بتي كروكر
حليب محلى ( ممكن الاستغناء عنه )
الطبقة الثانية :
12 جبن كيري
نص كريمة خفق ( ممكن الاستغناء عنه بالقيمر )
1 قيمر كي دي دي صغير
4كيس دريم ويب صغير
كوب حليب بارد
ظرف جيلاتين مذوب بماي ساخن
الطبقة الثالثة :
2 جيلي توت
علبه كرز تشيز كيك جاهزة حجم كبير = علبتين من الحجم المعتاد ….
الطريقة :
الطبقة الاولى : نعجن البسكويت مع الزبدة …
ونضيفه لخليط الكيكة وندخله الفرن يستوي …. اللي ما يبغي كيك ممكن فقط بسكوت … بس المعتاد محد يرغب بالسكوت …. الكيك افضل … بس الكيك هش لين … مع البسكوت بيكون افضل :hysterical:
هذي شكلها الطبقة الاولى .. الكيك مع البسكويت والزبدة … طبعا عندي مو مضبوطة جدا لانه سويتها بالمايكرويف " ماعندي فرن لانه مو مسللك للحين كان 
"
ونرش الكيكة بشويه حليب محلى ( ممكن الاستغناء عنه بماء وسكر ) :worn_out:
الطبقة الثانية :
نخلط المقادير كلها مع بعض للطبقة الثانية ….
بعد ما جهز بيكون هذا شكله …. وبيجمد اكثر لانه الجيلاتين يخليه يتماسك اكثر مع البرودة …..
وندخله الفريزر 3 ساعات ..
يمكن البعض يستغرب ليش الفريزر ؟؟ بيصير جامد .!
ما بيصير جامد كلششش … لانه بنخلي الطبقة الثانية تتماسك … لانه بنخلي الطبقة الثالثة جيلي ساخن … :sick: فما بيكون مثلج^o)
الطبقة الثالثة :
نضع علبه الكرز الجاهزة حجم كبير يعني = علبتين الصغار …
وكلش ما انصح بهالنوعيه … جربو جام التوت بالكيلو من اي سوبر ماركت وسيحوه بزبدة وماء افضل واحلى :p
ونسوي الجيلي وننتظر يبرد شوووويه 
ونصبه عليه مباشرة شوي شووووووي
وطبعا ما بيخترب ولا بيصير شي بالطبقة الثانية لانه خلينها بالفريزر 3 ساعات و الجلاتين عمل عمايله 😉 يعني صارت متماسكة اوكووو…
ونخليه بالثلاجة حوالي 5 ساعات على ما يستوي الجيلي …. 😐
والكيكة ما بينت لانه القالب عميق ^^
حركت القالب بالسكين قبل ما اشيله خفت يلزق .!
من جذي صاير ابيض فوق عند الجيلي …. :thumbs_up:
الغطاء البلاستيكي هذا من الانوار خذيته دينارين و900 حجمين هذا وصغير ، عقب ما تعبت واني ادور علب الكيك البلاستيكة استعمال واحد ولا حصصصلت
طبعا ً الكيكة من نصيب زوجي واصدقائه 😮
وتقيمهم للكيكة جيدة جداً
الحمدلله
ننتظر جديدك
رح جربها ان شاء الله
تسلمي يا قمر
يعطيك العاااافيه ..تسلمين يالغلاااا..
تم التقييم..
والله يعطيكي الف عافيه
جاااري التطبيق
مع اني مليت من كثر ما اجرب التشيز كيك ولا يجمد :/
لكن لو اني اكلتها بقيمك ممتاز هههههههههه لان الرجال يحبون الكيك العادي الناشف مثل البسبوسه وهاي السواليف الينا
تستحقي التقيم
تسلم الايادي ويعطيك الف عافية حبيبتي
الميزان رفض اقيمك
تسلم ايديكي يا عسل على هالابداع ما شاء الله