وبنات تراني خذت الطريقه من كتاب عندي بس هو بالانجليزي بس ترجمته عشانكم
المهم نبدا بالفيشيال
1
نظفي بشرتج بلوشن التنظيف (cleansing cream/lotion) بس لا تمسحينه اتركيه على بشرتج لمدة دقيقه او دقيقتين حتى يتغلغل في بشرج ويكون مفعوله أقوى بعدين امسحيه بالقطنه
2
رطبي او غسلي بشرتج بالماي الدافي بعدين استخدمي المقشر(facial scrub) وحطيه على كامل الوجه بس تجتبي منطقة العين ودلكي البشره بعدين غسلي ويهج بالماي الدافي
3
بعدين اغلي ماي وحطيه في مله ولا صحن وطبعا الماي حار فبيظهر بخار انتي حاولي اتحطين ويهج عند البخار لمدة خمس دقايق لا تنسين تحطين فوده على شعرج
اللي بشرتهم وايد حساسه ما انصحهم يساون هالخطوه
واذا عندج اي رؤوس سوداء تقدرين تشيلينهم بعد هالخطوه بس لا تنسين تغطين ايدج بكلينكس
4
احين وقت الماسك او القناع استخدمي القناع اللي يناسب بشرتج او تقدرين اتسوين روحج ماسك مثل ما انا سويت خلطت موز مع حليب مع شوفان لانه بشرتي جافه وحطيته لمدة 10 دقايق
5
غسلي ويهج بالماي الدافي وبعدين بالمااي البارد
6
استخدمي التونر (toner lotion) وركزي على المناطق الدهنيه
7
حطي المرطب على بشرتج مع ضرورة عمل مساج اللي بيساعد على اعطائج بشره افتح
8
استخدمي الكريم الخاص للعين لمنطقة العين
وبس!
جربوا وخبروني بالنتايج واسئلوني اذا عندكم اي سؤال
والسموووحه
