اليوم ياحلوين راح نلون السكر..كييييف؟!!
شوفو معاي..
/
/
يله انتبهو خطوه خطوه
أولا نحتاج مقدار 4 أكواب متساوية من السكر العادي …
وكمية 1كوب ماء..
نقوم أولا بوضع الماء في قدر على النار وإنتبهوا كل شغلنا على الماء الساخن بدون مايغلي هذي أهم نقطة لازم تنتبهون لها…
ثم نضع كوبين من السكر فوق الماء ونقلبهم حتى يذوب السكر((نعيد ونقول لاتخلين الماء يغلي..))
ثم بعد ذلك نضيف الكوبين المتبقيين ونقلبهم حتى يذوب السكر
بعد ها نترك الماء المحلى بالسكر حتى يبرد تماااااااااااما …
ثم أضيفي مقدار علبه كاملة(من العلب الصغيرة) من ملونات الطعام إللي تحبيها
ونحط العلبه كلها عشان نبي السكر يكون اللون فيه مركز..
بعدين تكونين مجهزة برطمان مثل إللي في الصورة وتعقمينه تمااااااااام وصبي فيه الماء المحلى الملون ..
طبعا كلكم تعرفوا (خيط الصوف ) خذي منه وقصي قطعتين بحيث تراعي إن طول هالقطعتين أطول من طول البرطمان المراد إستخدامه وأربطيها في مصاص أو عود الشوي الخشب مثل الصورة تمام بحيث تعتمد الفكرة على تسقيط حبال الصوف بداخل البرطمان وتعليقها بواسطة العود الخشبي((عشان يمنع سقوط الحبال كلها بالداخل))
ثم بعد ذالك إنتظري تقريبا يوم ويبدأ يتكون عندنا كريستالات مثل الصورة((متعلقة بالحبل))
إعملي نفس المقدار لبقية الألوان حتى تكون عندنا تشكيلة ألوان قوس قزح الرائعه …
ثم قومي بتفتيت الكريستال بيدك وضعيه في الهاوند وأطحنيه جيدا…حتى يصبح شبه بودره..
وإسكبيه بعد ذلك حسب تفننك وذوقك في البرطمان المعد لحفظ السكر وراح يطلع لنا بهذي النتيجة …
بإمكانك رش السكر على الحلويات أو على الدونات أو على الآيسكريم..
وبس إن شاء الله تكون الفكرة عجبتكم ..
م
ن
ق
و
ل
ممكن نخليه مثل الكرستالات يعني ما نفتتهم عدل ؟؟؟؟
يطلع شكهم روعه
بسويهم ان شاء الله
مشكورين على مروركم..واذا جربتوها قولولي..
يعطيج الف عافيه..
تسلميلي..
غلا الدوحه..
الله يعافيك..
ومشكورين على مروركم..