كتير مننا لما بنيجى نسافر بنكون محتارين ناخد منتجات العنايه السائله فى ايه زى الغسول والشامبو والحاجات الى زى كدة فجتلى فكره انى اعمل شنطه زى بتاعت حفظ الميكب بس ابطنها من جوة بالمشمع او البلاستيك السميك عشان لو حاجه ادلقت متبهدلش الدنيا وصورتلكو الخطوات يمكن تعجبكو وتحبو تنفذوهاهنبدا اولا بقص القماش على شكل مربع او مستطيل قطعتين نفس المقاس
ونجيب المشمع او البلاستيك ونقصو على نفس مقاس القماش قطعتين بردو وانا عن نفسى استعملت شنطه بلاستيك البلاستك بتاعهاسميك نوعا ما
وبعد كدة بخيط كل قطعه بلاستيك فى قطعه قماش ممكن نخيطها بالمكنه او على ايدينا زى متحبى
وبعد كدة بخيط قطعتين القماش فى بعض
وبعد ما وضعنا قطعتين القماش فوق بعض وخيطناهم وبقوا بالشكل دة بنفتح اى ناحيه فيهم من النص عشان نركب السوسته بالشكل دة
بعد كدة بفرق القماش عن بعضو من داخل الشنطه باييدى من جوة عشان تبقى بالشكل دة واثبت بدبابيس ثم بالخيط الاربع حروف واقص الزيادة بالمقص والصورة هتوضح قصدى ان شاء الله
وبعد كدة هقلبها هتبقى بالشكل دة
وبعد كدة كشكشت دانتيل و ركبتو جمب السوسته بالشكل دة
ودة بيكون الشكل النهائى ليها يارب تعجبكو وتقولولى رايكو فيها بصراحه
شكرا يالغالية
تسلم ايداك والفكرة بسيطة جدا
بس انتي ليه مركبتيش ليها حزام
بس الفكره عجبتني انا بحب اوي الناس اللي بتشتغل الخياطه والتريكو
الي الامام
هوبا وضحيلى قصدك بالظبط تقصدى حزام ازاى ولا قصدك ايد امسكها منها