انا عندي طفل أكمل السنة لكن مع الأسف ما يحبذ الاكل و دايما يصد و يسكر فمه. كان يتناول الميلوبا و السيريلاك و الروب بالفواكة لكن كذا دكتور نصحني بتغيير نظام ولدي الغذائي لأن اللي يتناوله في الفترة الحالية أكل غير صحي و معدته ما تساعد على هضمه في هالفترة.
المهم يا بنات رميت كل السيريلاك و الميلوبا من بيتي عشان انا اتشجع اسويله اكل بيتوتي و صحي لكن مع الأسف ما يتناولهم نهائيا.
جربت الخضار و الفواكة لكن ما يبغيهم مع الاسف و وزنه خلال الشهرين اللي فاتو نزل عن المعدل الطبيعي بأكثر من كيلو و السبب ممانعته عن الاكل. رجعت عطيته الروب لكن ما بغاه. حاوبت في كذا نوع أكل لكن بعد ما يبغي.
بالنسبة للحليب الدكتور نصحني ما اعطيه اكثر من مرتيين باليوم على اساس ما سأثر على معدته خصوصا ان مشتقات البقر فيها نشا و تأثر عليه و تسبب له امساك شديييييد.
خواتي نصحوني كيف ارغب ولدي بالأكل، كيف ممكن اخلي شكل الاكل يلفت انتباهه. مع العلم انه في هالسن المفروض ياكل اكلات صلبة لكنه ليلحيين على المهروس.
نصحوني خواتي انا موظفة و ارجع من الدوام بالليل كيف ممكن اجهز له اللاكل من الليل لليوم اللي بعده و ما يخترب؟
والخضار حتى بنتي ماحبته حاولي وانتي تاكلينه تشغلين التلفزيون على شي يحبه مثل طيور الجنه
ساوي له كريم كراميل بالبيت ومهلبيه وعصير تفاح والبرتقال ترا حلو للامساك مره
وانشاءالله اكون افدتك