طفلي عمره خمس سنوات وللأسف مدمن بشكل غير طبيعي على الحلويات
خايفة يتأثر جسمه بالمستقبل
طبعا إذا أنا منعته أهلي وأهل زوجي مايقصرون بتموينهوحتى لو كل شي غير الحلويات ياكل وجبات سريعة وفوق ذي كله يكره ويتقزز من الحليب ومشتقاته
ساعدوني قبل لايفوت الفوت
:thumbs_down:
خلاص انتي وقفي لا تعطينه خلي التموين على بيت عمج واهلج
جربي الحليب مع الكورن فليكس بانواعه المختلفة ترى ينفع لحالته …
ولا تضغطين عليه خليه براحته
سوي الاكل في بيتكم وشوفي لشنو يرغب ..
واتضايق زيادة لين يقولون ويهه شاحب
وجربت أدوية فتح الشهية ماتنفع معاه و
الدكتور يقول مافيه
شي
الحلويات تخلي عنده نشاااااااااااااااط زايد
و تضر اسنانه و صحته
الله يعنيك
تسلميين اختي
اول شي الحلويات اذا تعود عليها الطفل ترك كل المفيد
اذا عجبه الطعم الحلو ما يبي الاكل المفيد .. هذي نقطه ..
النقطه الثانيه / انتي عودتيه على الحلويات والفاست فود .. لاتقولين يحب الفاست فود شلون حبهم !! من كم عمره ياكل فاست فود .. كم مره بالاسبوع ؟
المقالي والزيوت المهدرجه ما راح تييب له غير السمنه .. والامراض بسم الله عليه
والحلويات ما وراها الا خراب الضروس والامراض الله يبعد عن الجميع
النقطه الثالثه / بقول لج بعد انتي سمحتي لاهل زوجج ولاهلج يتدخلون بتغذيتج لولدج ..
كنتي من اول مره يعطونه تشيلينه من ايده تقولين لهم انا ما اعطيه ..
مب زين
بطنه ما يتحمل
يتعبني فالليل
اي حجه اي كلمه
وخلج صارمه قولي ما ياكل
لين تعطونه كافي ما ياكل ولا يتعشى ولا يتغدى
اتعب وياه
كلمه تستحي منها [ بدها ]
انا هاي الشي اللي اسويه لو بتعطينه انتي حبه وحده باليوم كندر الاطفال ممكن ..
وتكونين تقولين له .. اليوم اذا تريقت هالريوق و كلت هالغدا العصر راح اعطيك حبة كندر
وحبة ثانيه اذا قلبه كلش متعلق قبل العشا ..
وبعدين شرط انك تتعشى من عشى البيت ..
وشجعيه وحرميه و اقسي عليه
و قولي لاهلج واهل زوجج هذي مافيها احراج
اقل شي قولي انا عطيته اليوم الحين اذا اكل ما راح يتعشى
هذا ولدج وصحته ما اعتقد تهم احد اكثر منج ..
وما اعتقد لو صار فيه شي في احد بيشيله ويشيل همه غيرج
خلج صارمه ..
كلامك صحيح أختي وما ازيد عليه حاجة
لازم شوية صرامه في الموضوع عشان صحة الولد يا ياقوته
لا تخليه براحته لانك انتي بتتعبي معاه
وربي يعطيه العافيه