طفلي يعاني من الإمساك مالحل 2024.

السلام عليكم ورحمة الله وبركاته
طفلي عمره شهرين ونصف..في أول شهر كان يتبرز عادي وأنتو بكرامه كل يوم وأحياناً يتأخر كل يومين وأحياناً كل ثلاثة أيام يعني طبيعي بعد ماكمل الشهر ماصار يتبرز إلا بعد ثمانية أيام من خوفي عليه أعطيه تحميله وبعدين يتبرز ويكون لونه متغير وريحته قويه ماكأنه رضيع والله إحترت أخاف يتعود على التحاميل وماعاد يتبرز طبيعي بس وش أسوي يعدي أكثر من أسبوع وهو ماتبرز
أخاف أوديه المستشفى يلعبون في الولد الحكومي سيء والخاص أسوأ عن تجربه
غيرت نوعية الحليب من سيميلاك إلى برومم بدون فايده أعطيته ماء دافيء مع عصير برتقال وقليل من السكر في الرضاعة بدون نتيجة ماأدري وش أسوي مع العلم إن ولدي يرضع طبيعي طوال اليوم وفي الليل أعطيه رضعه وحده صناعي

عزيزتي الحزينة

جربي إعطيه عصير برتقال مخفف بماء بارد مقدار ملعقة واحدة فقط وعسى بنتيجة إن شاء الله

انصحج بماي وعسل … صدقيني واايد مفيد

تسلمين حياتي أم المهند
وإن شاء الله أجرب ويصير خير

هلا عزيزتي الحزينة
العسل ابتعدي عنه لأن فيه مواد صعبة الهضم بالنسبة لمعدة الطفل
أنا أمس استخدمت لطفلي فردة تمرة خليته يمصص فيها و الحمد لله مشى بطنه 5 مرات في اليوم ( مع أني ما كنت مقتنعة بهالطريقة بس المضطر يركب الصعب )
لما كان طفلي في عمر طفلك كنت استخدم له شاي الشمار و كنت اضع له مع الحليب قطرات دنتينوكس
السكر نبات مفيد للامساك
في أمان الله
أختك راويه

العسل ياخذه الطفل من عمر سنة وفوق فقطططططططط

بالنسبة لبنتي كنت أستخدم لها شاي الأطفال بالأعشاب ولما كانت أصغر كنت أستخدم لها قطرات دنتينكس مع الموية ولما تكون حديثة الولادة ما أصبر عليها لأنها تزهق من الصياح والبكاء أحط لها تحميلة جلسرين عشان ترتاح وأرتاح
مع ان دايما أمي تقول لا تستعجلي على الصغير خصوصا إذا كان يرجع زي بنتي
أما بالنسبة للأخوات اللي بيعطوا أطفالهم عسل فهو فعلا مضر لما قبل السنة لكن في الصيدلية عسل خاص للأطفال ما أتذكر اسمه لكن كتابته ملون ومكتوب عليه عسل الأطفال

أعطيه ينسون دافي و فيه قطعة نبات و أذا ما فاد سوي اليه ماي دافي و فيه سكر و على فكره ماي التمر بعد يمشي البطن وماعليه شر ولدش.

فيه مستحضر طبي ممتاز ويمكن الكل يعرفه إسمه دار الدواء هاي بعد ممتاز

عني شخصيا كنت أعطيه لأولادي يهدي البطن ويمشيه شوي

حبيبتي @@الحزينه@@
ابتعدي نهائيا عن عصير البرتقال لأن حتى ولو كان مخفف يكون قوي على معدة الطفل وانتي ولدج صغير وعليا إسألي أي دكتور بيقول لج نفس الكلام، انصحج بالحواج جربي قولي له بعمر ولدج والمشكله وإنشاء الله بينفعج
جربي بعد لا ترضعينه صناعي يومين او ثلاثة لأنه الصناعي بعد يأثر، في أطفال معدتهم ماتتقبل اي شي وهذا يختلف من طفل لآخر.
:qaq:
آنه من يابتني أمي وآنه أي شي ـآكله على قولهم مو بس يمشي بطني وأنتو بكرامة يركض خصوصا إذا آكل لحم فواكه وخضروات وأشرب الحليب ، يعني يوم كنت في عمر ولدج كانت أمي تلعن يوم اللي يابتني من كثر ماتغير لي الحفاظ ودايما تقولي فلستينا >>>>>>>>.:mad2: افففف خلاص ملينا بتقول قصة حياتها ألحين
🙁 شسوي من اكتب انسى روحي 😥 خلوني أعبر عن شعوري:cry:

شرايكم فيني يوم صغيره شحليلي اهبل مو:shy:

انشاء ما مللتج معاي وافدتج