بسم الله الرحمن الرحيم ،،
تدرون شنو اكتشفت إن كل مواد التجميل لها مدة معينة والقهر إن هالشي مكتوب
على العلب بس ما انتبهت ،
لأنه على بالي إن مواد التجميل مثل المواد الطبية يكتبون تاريخ الإنتاج والصلاحية ! ،
بس لاحظوا !
إن إنتهاء مواد التجميل يختلف عن إنتهاء المواد الطبية والدوائية ،
شلووون ؟!!
المواد التجميلية تنتهي بمدة معينة من تاريخ فتح العلبة يعني مو من تاريخ الصنع
أما المواد الطبية والدوائية تنتهي بمدة معينة من تاريخ الصنع حتى لو كانت يديدة ،
القهر يا بنات إن البياعات لما تسإلينهم عن كريم أو منتج معين ما يكونون صريحين معاج ،
وما يقولون إن المنتجات لها تاريخ صلاحية معينة ،
طبعاً أنا صورت جم منتج من عندي ومن ماركات مختلفة حتى أوضح لكم ،،
أدري إن بتات وايدين يدورن بهالشي بس أكيد فيه بنات ما كانوا يدرون مثلي 
،،
خنبدأ بمنتجات العين ،
هذا الكونسيلر من ماك ، نهايته ستة أشهر من تاريخ الفتح ، راح تلاحظون شكل علبة مفتوحة
وحاطين يعني 6m ستة أشهر من تاريخ فتح العلبة ،
وهذا الكونسيلر من فور إيفر ، ومدته 12 شهر ،
الماسكرا نهايتها 6 أشهر ، وهذه المعلومة كنت أدري عنها بدون ما أشوف العلبة وأتأكد ،
هذه ماسكرا سان لوران ،
هذا كريم العين ، مدته بعد 6 شهور ،
وساعات ما يكتبون على العلبة ، يكتبون على الكرتونة فانتبهوا بنات ! ،
حتى الشادووووو له نهاية تصوروا !! ،،
والغالب نهايته تكون من 12 إلى 24 شهر ،
هذا شادو نارس نهايته 24 شهر من تاريخ الفتح ،
وهذا شادو فور إيفر ونهايته 12 شهر من تاريخ الفتح ،
حتى منظف العين له نهاية ! ، هذا منظف العين من كانيبو نهايته 6 شهور ! ،
الله انا اول وحده رديت…
خلصنا من منتجات العين ، تعالوا نشوشف باجي المنتجات ،
هذا الـ فكس صلاحية 24 شهر
البرايمر صلاحيته 6 شهور ، بصراحة انصدمت لأني توقعت صلاحية أكثر من سنة ! ،
أساس استي لودر مكسيمم كوفر صلاحيته 24 شهر ،
أساس أرماني 12 شهر ،
أساس شيسيدو المضغوط صلاحيته 12 شهر ،
اللوس باودر من كانيبو صلاحيتها 12 شهر ،
بودرة ديفينورا صلاحيتها 24 شهر ،
الـ ستورب كريم صلاحيته 24 شهر ،
بالنسبة لشادوهات وأرواج ماك الأخت Romanove الله يحفظها تقول :
الكرتونة ما عليها تاريخ تحدد الصلاحية ولا مدة معينة
يعطيها العافية على المعلومة القيمة 
،،
,,
يعطيج العافية حبوبه مجد عالمعلومات ^^
,,
,
تصدقين اول مره ادري…..
و اذكر اني سألت اللي تبيع مره…
و قالتلي هذه الاشياء ماتنتهي مدة صلاحيتها…
تسلمين الغاليه على التنبيه……:shy:
حتى الغسول له صلاحية ! ، هذا غسول كلينك ( الفوم ) صلاحيته 24 شهر ،
وهذا كريم التوت البري من بودي شوب صلاحيته 12 شهر ! ،،
جلوسات سان لوران ، صلاحيتهم 12 شهر ،
روج جيرلان صلاحيته 24 شهر ،
روج شيسيدو صلاحيته بعد 24 شهر ،
غسول شيسيدو صلاحيته 12 شهر ،
بودرة MINERALIZE من ماك صلاحيتها 24 شهر ،
بلاشر نارس صلاحيته 24 شهر ،
كريمات العناية بالوجه من سيسلي صلاحيتها 12 شهر لأني جيكت على كذا كريم عندي فطلع
نفس الصلاحية ،،
وساعات ما يكتبون الصلاحية على العلبة ، يكتبونها على الكرتون مثل باليت كونسيلر ماك ،
ما كانوا حاطين الصلاحية على العلبة ، حاطينها على الكرتون ، فانتبهوا ،
عموماً صلاحية الباليت 24 شهر ،
حتى الشامبووو عليه صلاحية ، هذا شامبو سيبا ميد ، صلاحيته 12 شهر ،
طبعاً أنا اكتفيت بهذه المنتجات وإلا لو بحط لكم كل المنتجات راح يطول الموضوع وما راح نخلص !!! ،
لكن حبيت من خلال الصور أوضح لكم الخطأ اللي وقعت فيه وما انتبهت له بدون قصد !! ،
وأحب أنبهم خواتي مرة ثانية إن الصلاحية تبدأ من يوم الفتح والاستخدام ، لكن طالما المنتج يديد ومو
مستخدم فما راح يتأثر إن شاء الله ،،
بروح الحين اتأكد من صلاحية المكياج
اكيد نصه منتهي هههههههههههه
يزاج الله خييير
انا دايما انتبه للعلامة اللي على علب المكياااج
وكنت سبحاان الله بنزل موضوع اسأل فيه عن هالمووضووع لكن سبحاان الله دائما سبااقه للخير
الله يووفقك يااارب معلومه جديده بالنسبه لي
وانا بعد ماكنت اعرف
بس وحده من الخوات من كم شهر في منتدى ثاني نزلت عن هالموضوع وبعد بالصور الله يجزاها خير
فقمت اتأكد من اغراضي لا اراديا
فتخيلي حسيت بشعورك هذا وانا اقرا موضوعها؟!!!
ومن كم يوم وحده من البنات كانت تسأل عن هالموضوع
فرديت عليها وحطيت لها هالصور التوضيحيه من اغراضي
فجزاك الله الف خير على توضيحج للبنات