عساكن طيبات وبعافية
دخيلكن عندي استفسار مهم ومستعجل
عندنا عرس عقب شهرين ونبا نسير السعودية خلال هل يومين نتشرى من هناك
بس المشكلة نحن مب عارفين نسير المنطقة الشرقية ولا الرياض؟
عشان جي اباكم تساعدوني البنات اللي لهم معرفة وخبرة بسوق المنطقتين
او البنات اللي يتنقلون ما بين الدمام والرياض
بليييييز قولوا لي وين البضايع احلى والاسعار احسن في الدمام ولا الرياض؟
الاغراض اللي اباها كالتالي:
قطع مال فساتين سهرات ( قطع حلوة ويديدة وفي نفس الوقت غريبة)
فساتين سهرة بنفس المواصفات شي حلو ويديد
بدل حلوة وكشخة ومافي مثلها عندنا في الامارات
و بصراحة نبا كل مستلزمات العروس ( شنط- نعال- قمصان نوم الخ………..)
الله يخليكم ينات لا تطنشون موضوعي واستفساري
اهلي يسألوني ويقولولي حددي مكان نسيرله يا الدمام ولا الرياض لأن جدة احين موسم حج وزحمة واكيد كل شي بيكون غالي
ابا اعرف اسامي الأسواق والمولات اللي تبيع هاي الشغلات وابا اعرف الاسعار بعد وبصراحة ادور الحلو واللي سعره معقول طبعا ولو في اسواق فيها اشياء حلوة ورخيصة ياليت لو ادلوني عليها جزاكم الله خير
رجاااااء حار اللي تدخل ترد علي ما تنطنشني لأن السفر بعد يومين ماشي وقت
في انتظار ردكم
اختكم
ام علي
بالنسبه للفساتين تبي شي حلو وراقي روحي لمجمع الموسى وبالتحديد عند محل اسمه البرت
بصراحه عنده قطه حلووووووووة وراقيه ومش غالي كثير وعندك بالعليا قبال اسواق الاندلس محلين اسمهم روزانا والثاني كواكب عندهم قطع فخمه ومميزه وبالنسبه للتكمله عندك اسواق الاندلس ملياااااااااااااااااااااااااانه شنط وجزم واكسسوارات روووووووووعه كمان فيه مركز صحارى عنده اشيااااء خطيره وان شالله ياعمري اكون افدتك كل الافاده والله يحييك فبلدك الثاني
انصحك بالرياض صراحه كل بنات العايله يروحون لها تجهيز عرايس اقصد وتلقين فيها كل شي بس انتي لاتحطين ببالك الاسواق الفخمه والمجمعات التجاريه الكبيره لا في اسواق عاديه وفيها اشياء حلوه واسعاره بعد زينه
والشرقيه برضو بس انا قلت لك الرياض لان المحلات كثيره وانا مو من هل الرياض وان شاء الله بنات الرياض يقيدونك باسماء المحلات اكثر
بصراحة أنا بعطيج المجمعات والأسواق إللي بالدمام والخبر
أما الرياض فأكيد البنات إللي بالرياض بيفيدونج
بنات القطيف أنا ماعندي وايد فكرة عن المجمعات والأسواق بالقطيف ياليت تفيدونها
………………………………………….. …………
المجمعات بالدمام
مجمع المارينا مول
مجمع الشاطئ
مجمع أبن خلدون بلازا
مجمع الواحة
مجمع الحياة بلازا
وسوق ( شارع الحب )
…………………………………
المجمعات بالخبر
مجمع الراشد
مجمع الظهران
فؤاد سنتر
الجمعة سنتر
الخبر مول
الخبر بلازا
وسوق ( شارع السويكت )
عزيزتي
الخبر والدمام والقطيف مافي فرق وايد بينهم يعني بالكثير نص ساعة بين الخبر والدمام
وربي يوفقج
ان شاء الله اقدر اساعدك
عندك بالمنطقه الشرقيه السويكت ومجمع الراشد والخبر بلازا و فوائد سنتر
وفي الرياض صحارى والمملكه والفيصليه وغرناطه و والاندلس والعويس والعليا مول
وان شاء الله باقي الاخوات يساعدونك
 |
اقتباس |  |
 |
المشاركة الأساسية كتبها أم سليمان |  |
 |
| شوفي المحلات كثير وكلها حلوه بس انا اشوف اسعار هل الرياض حلوه ومعقوله الشرقيه نااااااااار
انصحك بالرياض صراحه كل بنات العايله يروحون لها تجهيز عرايس اقصد وتلقين فيها كل شي بس انتي لاتحطين ببالك الاسواق الفخمه والمجمعات التجاريه الكبيره لا في اسواق عاديه وفيها اشياء حلوه واسعاره بعد زينه والشرقيه برضو بس انا قلت لك الرياض لان المحلات كثيره وانا مو من هل الرياض وان شاء الله بنات الرياض يقيدونك باسماء المحلات اكثر |
||
 |
 |
الشرقية ماهي نار أبداً أسعارها جداً عادية وبمتناول الجميع
أكيد في محلات غالية وهذا بكل مكان
ماأعرف على أي أساس بنيتي كلامج
بس هذه وجهة نظري
تسلمين حبيبتي وما قصرتي
جزاج الله خير
مشكووورة الغالية عالافادة
وانا مب حاطة في بالي المجمعات بس ابا الاسواق الشعبية بعد
وتسلمي مرة ثانية
مشكووورة الغالية
بس ممكن تفصلين اكثر
يعني انا ابا اعرف كل مول او سوق شو بحصل عنده من الاشياء اللي اباها
عشان اعرف وين اروح بالضبط
مشكورة يالغلا
وياليت نفس ما طلبت نت الأخت الملكة س تحدديلي كل سوق شو يبيعون فيه
والف شكر ما قصرتوا