حبيباتي.. انتو تعرفون ان مهم جدا تكون العروسة مرتبة مب بس في شكلها وطريقة لبسها.. لا.. لازم بعد تكون مرتبة في كل شي.. الموضوع مهم لكل عروس.. خاصة العروس المقبلة على الزواج<< مثلي 😮
خاصة في اول ايام الزواج.. بنكون واايد نتعدل ونزين نفسنا.. اكيد اغراض المكياج كلها بتطلع من العلبة و بتوزع عالطاولة.. اذا كنا مستعيلين يمكن نخلي كلشي برا.. ونقول لما نرد بنعدل ونشيلهم.. بس يمكن لما نرد من طلعتنا نكون تعبانين ما لنا خاطر وما نرتب شي.. والمنظر بعدين ما يكون زين جدام الهازبند خخخ.. فشششله.. في كل شي لازم نكون مرتبين ومنظمين.. طريقة تعليق الملابس.. الاغراض اللي على طاولة التسريحة… حتى الاغراض اللي داخل الادرج… ما يصير بس المنظر من برا اوكي… وداخل الادرج لوعة هههه.. اهم شي بعد الاغراض اللي بالحمام.. الحمام حلو يكون مرتب ومنظم ونظيف..
هذي بعض الافكار لطريقة تنظيم اغراضكم..
احسن شي نصف كل الاشياء في مكان واحد عشان ما تتبهدلون لما تاخذون شاور.. شامبو في صوب وصابون في صوب..تزلقون واطيحون وتتكسرون.. ههههه اسم الله عليكم 
حلو لو نفكر بالالوان لما نرتب الاغراض اللي في الحمام.. او لما نشتريها
عشان منظر الادراج تكون حلوة لما اتبطل.. تقدرون تشتروون صواني والا سلال مثل هاذي واتحطون اغراضكم في مكان واحد.. عشان ما تتحرك وتتلغبط في الدرج.. كل مرة تفتحينه
ادوات المكيااااج.. أكيد الاغلبية منكم تحطونها في صندوق خاص للمكياج… فهاي شي زين<<خخخ.. احلى من انها تكون مكشوفة.. يمكن تغبر… شرايكم في هالصندوق… انا وايد عاجبني خاطري فيه هههه
وهاذي شنطة المكياج وادوات التجميل.. حلو نكون مرتبين وين ما رحنا
فكرة سهلة ترتبين فيها فراشيج واقلمة الكحل والماسكرا… تحطينهم في مقلمة او في كوب او في مزهرية صغيرونة
فكرة حلوة بعد.. للي يحبون الاشياء تكون برا جدام عينهم.. تجيبون شنطة مثل هاذي واتحطون فيها السشوار والامشوط…
يالله الحين شاركونا بأفكاركم الجديدة والعبقرية.. ممكن اتحطون لنا صور لاغراضكم المرتبة بطريقتكم عشان نستفيد 😉
انتظر ردودكم يا حلوين :JUMP:
انا عندي فكره للاندر وير
تفصيلين شنطه بحجم اليد الي تنربط من فووق بخييط <<<ابوك يالتوصيييف
ولكل اندر وير شنطه صفيها بالدرج وبعدين انثري عليها ورد مثلا تحطين لون الشناط عنابي والشريطه ذهبي والورد ذهبي وعنابي
انا عروس اجهز وناويه اسويها
اتمنى اني قدرت اوصل المعلومه صح
فكرة وااااايد حلوة..
تسلمين عالفكرة الرائعة وعلى مرورك الحلو
وحلات البنت تكون مرتبة بكل حاجة مو شرط عروس
تسلمين عالصور..
الله يسلمج.. تسلمين عالرد
ديور
صح كلامج
الله يسلمج.. يسلملي هالرد
أختــي الغاليه MoZ(a)N
تسلمين عالطرح الرائع والافكار الحلوووه
وانا بعرض لكم بعض الافكار ان شاء الله تفيدكم
والله يوفق ويسر امور كل العرايس ان شاء الله
أختــــكم الدانـــــه
هلا والله.. تسلمين عالمشاركة الرائعة والحلوة
دلوعة أمها
الله يعافيج..تسلمين عالمرور الحلو