شو رايكم كل وحده تحط لنا صورة العربانه اللي تستخدمها حق البيبي…
خبرينااا شو ماركتهااا…؟
ومن وين شاريتنها؟؟
وكم سعرها تقريبااا؟؟
واذا ما عرفتي تنزلين صورة العربانه تقدرين تسويلها بحث في الانترنت باسم الماركة وبتحصلين الموديل اللي تبغينه مثل ماسويت اناااا…
الحين نبدأ بقصتي مع العربانات اللي عندي…بتقولون ليش قصه؟؟ لانها صدق قصه طويله وعريضه وشكلها مابتخلص….
في البداية صلووو على النبي (اللهم صلي وسلم على سيدنا محمد)
وخلونا نبدأ
اول عربانه خذيتها حق ولدي يوم عمره شهرين…خذت من ماركة evenflo نوعية جيده…. من محل جود بيبي في دبي..وطبعا وياها كرسي السياره يثبت في العربانه..الكرسي ما استخدمته ابدااا…… نفس اللي في الصورة.مع اختلاف بسيط في لون القطعه ..اللي عندي كاروهاات بالاخضر…سعرها ما اذكر بالضبط بس في حدود الالف وشوي..واستخدمتها حق ولدي لين كمل تسع شهور
وبعدين ابونااا خذ هديه لولده وكاانت عرباانه جديده من ماركة quinny وهذي انا اسميها الطياااره..من نفس المحل…شكلهاا مودرن وراااقي بس وزنها ثجييل..وسعرها بعد تقريبا 1500…واللي هي مثل ماتشوفونها في الصورة..
عقبهاا قلت لازم اخذ وحده خفيفه حق السفر بما انه الصيف قرب..وكنت ابغيهاا تتسكر مثل المضله…ومريحه للظهر عشان البيبي يرقد وهو مرتااح…اخترت وحده والحمدلله توفقت في الاختيار لانها فعلا كانت ولا زالت من احسن الانواع اللي خذيتهم لين الحين.ماركتها pegperego ماركة ايطاليه ممتاازه 
..خذتها من بيبي شووب ومريحه للطفل خاصة الظهر فيه كمية اسفنج كبيره بحيث انه الطفل يرتااح فيها وخفيفه بعد..وزنها تقريبااا 8 كيلوووو وسعرها 899 درهم..وهذي صورتهااا ونفس اللون اللي تشوفونه..
الحين بتقولون اكيد هذيل بس….ههههه لاااا خذت غيرهم بعد…
.
مرة كنت سايرة المركز وصادف اني نسيت العربانه وولدي كان راقد وماعرفت شو اسوي..قلت مافي غير اني اخذ عربانه جديده ولا بتوهق وكيف بشل ولدي… خذت هذي العربانه الخفيفه جداااا من مذركير من ماركة mclaren كنت مفكره اخذ وحده رخيصه وخفيفه……بس ماكان متوفر من النوعيه الخفيفه الا هذي ……وكان سعرها في حدود 700 درهم اول مانزلت..الحين في التنزيلاااات ورخييييصه واايد>>>بس عيبها انه مستوى الظهر ماينزل واايد فما يقدر البيبي يرقد فيهااا وهو مرتااح
وفي الختااااام …..قلت مايستوي ماشي عربانه بأسم بنتي كله حق اخووها…:gum:
فرحت مذركيير وخذت هذي العربانه ومعاها كرسي السياره..وسلة للبيبي…وكفر للكرسي في حال البرد..وكانت اغلى وحده اخذهاا تقريبا 2000 درهم…اللي عجبني فيهاا انه معاها مخذه اضافيه للظهر وقماشها من الشموااه الناعم ونوعيتها ممتازه وقويه…وهذي صورتهاا
وهذي كانت نهاية القصة….شو رايكم؟!!!!!!:clap:
يلاااا خواتي اتريااا مشاركااتكم مع الصور وقصتكم……اذا كان في عندكم قصة مثل قصتي القصيره..
وبعدين اخت زوجي جابت هدية ولادتي عربانه بعد ما اتذكر ماركة شنو لكنها صغيرة وخفيفة وحلوة وزوجي يحبها اكثر لانها اخف من اللي خذيناها ونستخدمها اكثر ..
وحمود طبعا ما خذينا له لان عندنا ثنتين بحالة ممتازة .. وما اشوف وصلت له هدية من هالنوع بعد :shy:
والصور بحطها مرة ثانية :gum:
وصج قصتج قصه انا عندي بنوته فديتها لها 5 شهور وماطلعتها معاي غير مره وحده وهاذي عربانتها من ماركة بربري عجبتني لانها تصلح للبيبيات من وهم صغار ولانه فيها السليبنغ باغ وممكن اشيله واستعمله بروحه وممكن اركبه فالعربانه.. لين مايكبر الياهل اشيل السليبنغ باغ واستعمل العربانه بدونه ..والعربانه خفيفه وعمليه وكشخه بنفس الوقت
وخذتها لانها طقم مع الشنطه مالت البيبي ولبسات بنتي
شي راقي وايد .. خذتها من محل ماركات اطفال من جنيف…اول ماشفتهم جنيييت عليهم
وسعرها ب الريال القطري تقريبا 2700 والشنطه ب 1500
اخليكم مع الصور ..
هاي الشنطه
[IMG][url=http://go.3roos.com/yIaFOT3BBJz][/url[/IMG]
وهاذي العربانه والسليبنغ باغ معاها
[IMG][url=http://go.3roos.com/yIaFOT3BBJz][/url[/IMG]
وهاي شكلها بدون السليبنغ باغ
[IMG][url=http://go.3roos.com/yIaFOT3BBJz][/url[/IMG]
وهاي السليبنغ باغ بروحه
[IMG][/IMG]
انشالله عجبتكم عربانة مياستي
لاني الحين افكر اشتري لولدي عربانه مريحه وينام فيها لما اطلع بع
وهو عمره 3 شهور
وياليت لو تنصحوني شوه المواصفات المثاليه لعربانه تريح عبودي وهو في هالعمر
ياليت لو تعطةني الماركه وتكون خفيفة
والسموحه
في منها عندنا في دبي وكنت باخذهاا بعد وكان سعرها تقريبا 3000 وشي درهم بس قلت خلاص عاد مصختهااا عندي واايد…هههه شو ناويه افتح محل وابيع
انصحج تاخذين نفس اللي عندي في الصورة الثالثه…واااايد ممتازه ونوعيتهااا روعه…ماركتها ايطاليه الصنع وبتلقين منها في بيبي شوب وتويز ار اس….في منهااا الوان غير مثل الوردي مع الاسود…الاخضر مع الاسود…الاسود مع الرماادي معروضه الحين في بيبي شوب هاللون..بس في ملاحظه انهم غيروو سعرها الحين ب 900 وشي…حتى حق السفر تقدرين تستخدمينها وماتاخذ مساحه كبيره سواء في السياره او اذا دخلتيها وياج الطياره مثلاااا..ووزنهااا 8 كيلوو بسسسس ..خفيفه
اسم الماركة والموديل بالضبط هو pegperego pliko p3
صدقيني ما بتندمين وبتدعيلي…